Dirrctor Maruthi: తెలుగు చిత్ర పరిశ్రమలో దర్శకుడుగా ఎంతో పేరు ప్రఖ్యాతలు సంపాదించుకున్న డైరెక్టర్ మారుతి గురించి పరిచయం అవసరం లేదు. రచయితగా నిర్మాతగా దర్శకుడిగా ఎంతో పేరు ప్రఖ్యాతలు సంపాదించుకున్న మారుతి ప్రస్తుతం ప్రభాస్ హీరోగా ఓ సినిమా చేస్తున్నారు.ఇలా ఇండస్ట్రీలో ఎంతో మంచి గుర్తింపు సంపాదించుకున్న ఈయన తాజాగా తన భార్య స్పందనతో కలిసి వెన్నెల కిషోర్ కార్యక్రమానికి హాజరయ్యారు.

ఈ కార్యక్రమంలో భాగంగా వీరి ప్రేమ పెళ్లి గురించి మారుతీ చేసినటువంటి కామెంట్స్ వైరల్ అవుతున్నాయి.ఈ క్రమంలోనే వెన్నెల కిషోర్ ఇద్దరిలో ముందు ఎవరు ఎవరికి ప్రపోజ్ చేశారు అంటూ ప్రశ్నించడంతో డైరెక్టర్ మారుతి మాట్లాడుతూ ప్రపోజ్ చేయడానికి ఏమీ లేవు తనంటే నాకు ఇష్టం అని మాత్రమే చెప్పానని మారుతి తెలిపారు.తనకి చెప్పిన తర్వాత నేను హైదరాబాద్ వెళ్ళిపోయాను వాళ్ళు విజయవాడ వెళ్ళిపోయారని మారుతి తెలిపారు.

ఇలా మేం ప్రేమించుకోవడం రహస్యంగా పెద్దవాళ్లకు తెలియకుండా కలుసుకోవడం ఫోన్ కాల్స్ మాట్లాడుకోవడం వంటి విషయాల్లో ఎన్నో జాగ్రత్తలు పడ్డాము.పెద్ద వాళ్లకు తెలియకుండా ఎన్ని జాగ్రత్తలు తీసుకున్నప్పటికీ స్పందన రాసిన డైరీ కారణంగా దొరికిపోయామని తెలిపారు. స్పందనకు ఒక రోజు మొత్తంలో ఏ చిన్న సంఘటన జరిగిన అది డైరీలో రాసే అలవాటు ఉంది.

Dirrctor Maruthi: డైరీ మా పెళ్లి చేసింది..

ఈ క్రమంలోనే తనని ఇంట్లో వారికి తెలియకుండా ఎన్నిసార్లు ఎక్కడ కలిసింది ఏ సమయంలో కలుస్తుంది అనే విషయాలను కూడా చాలా క్లుప్తంగా రాసి పెట్టింది. అయితే ఆ డైరీ వాళ్ళ ఇంట్లో వాళ్ళు చూసి తన తల్లి నాకు ఫోన్ చేశారని మారుతి తెలిపారు.ఇలా ప్రేమ విషయం బయటపడకుండా ఎన్ని జాగ్రత్తలు తీసుకున్న చివరికి డైరీ వల్ల బయటపడ్డామని దాంతో మా పెళ్లి కూడా జరిగిందంటూ ఈ సందర్భంగా ఈయన చేసిన కామెంట్స్ వైరల్ అవుతున్నాయి.