Tamannaah: టాలీవుడ్ మిల్క్ బ్యూటీ తమన్నా ఇండస్ట్రీ లోకి వచ్చి దాదాపు రెండు దశాబ్దాల కాలం అవుతున్నప్పటికీ ఇంకా ఏమాత్రం అవకాశాలు తగ్గకుండా వరుస సినిమా అవకాశాలను అందుకొని ఎంతో బిజీగా గడుపుతున్నారు.ఈమె కేవలం సినిమాలు మాత్రమే కాకుండా వెబ్ సిరీస్ లలో కూడా నటిస్తూ ఎప్పటికప్పుడు ప్రేక్షకులను తనదైన శైలిలో సందడి చేస్తున్నారు.

ఇకపోతే తాజాగా ఈమె హీరో సత్యదేవతో కలిసి గుర్తుందా సీతాకాలం సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా విడుదలవుతున్న నేపథ్యంలో ఘనంగా ప్రీ రిలీజ్ వేడుకను నిర్వహించారు. ఈ కార్యక్రమంలో భాగంగా తమన్నా ఇండస్ట్రీ గురించి చేసిన వ్యాఖ్యలు ప్రస్తుతం వైరల్ అవుతున్నాయి.

ఈ సందర్భంగా ఈమె మాట్లాడుతూ కథలో కంటెంట్ ఉండి ప్రేక్షకులు అభిరుచికి అనుగుణంగా సినిమాలు చేయడానికి తాను ఎప్పుడు ముందుంటానని తెలిపారు.తన మొదటి సినిమా శ్రీ సినిమా చేసే ముందు ఎలాంటి ఆసక్తి ఉందో ఇప్పటికీ సినిమాలపై అదే ఆసక్తి ఉందని వెల్లడించారు. ఇక కథ నచ్చితే ఆ సినిమాలో హీరో చిన్న హీరోనా పెద్ద హీరోనా అని తేడా ఎప్పుడూ చూడనని ఈమె తెలియజేశారు.

Tamannaah: ఓటీటీ యాక్టింగ్ కి ఓ మంచి ప్లాట్ ఫామ్..

ఇక హీరో సత్యదేవ్ నటించిన ఉమామహేశ్వర ఉగ్రరూపస్య సినిమా చూసిన తర్వాత అతనితో కలిసిన నటించాలనే భావన కలిగింది. ఇలా గుర్తుందా సీతాకాలం సినిమాతో అవకాశం వచ్చిందని తెలిపారు. కేవలం వెండితెరపై మాత్రమే కాకుండా ఓటీటీల ద్వారా యాక్టింగ్ పరంగా ఇంకో ఫ్లాట్ ఫామ్ దొరికిందని నేను భావిస్తున్నాను అంటూ ఈ సందర్భంగా తమన్నా చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.