Gangavva: మై విలేజ్ షో యూట్యూబ్ ఛానల్ ద్వారా అందరికీ పరిచయమయ్యారు గంగవ్వ. ఆరు పదుల వయసులో కూడా ఈమె తన బంధువుల సహాయంతో యూట్యూబ్ ఛానల్ ప్రారంభించి పల్లెటూరి వాతావరణ కి సంబంధించిన అన్ని విషయాలను తన యూట్యూబ్ ఛానల్ ద్వారా అందరితో పంచుకున్నారు. ఇలా తన జీవనశైలి గురించి గంగవ్వ చేసే వీడియోలకు మంచి ఆదరణ వచ్చింది.

ఈ విధంగా రోజురోజుకు గంగవ్వ యూట్యూబ్ ఛానల్ ఫాలో అయ్యే వారి సంఖ్య పెరగడంతో ఈమె ఒక్కసారిగా సెలబ్రిటీగా మారారు. ఇకపోతే గంగవ్వ యూట్యూబ్ ఛానల్ ద్వారా ఎంతో పేరు ప్రఖ్యాతలు సంపాదించుకోవడంతో ఈమెకు ఏకంగా బిగ్ బాస్ హౌస్ లో పాల్గొనే అవకాశం కూడా వచ్చింది.ఇలా బిగ్ బాస్ ద్వారా ఎంతో మంచి గుర్తింపు సంపాదించుకున్న గంగవ్వ తన సొంత ఇంటి కలను నెరవేర్చుకోవడమే కాకుండా ఒకవైపు యూట్యూబ్ ఛానల్ లో వీడియోలు చేస్తూనే మరోవైపు సినిమాలలో కూడా నటించే అవకాశాలను అందుకుంటున్నారు.

సాధారణంగా సినిమాలు షూటింగ్ జరిగే సమయంలో పెద్ద పెద్ద సెలబ్రిటీలకు మాత్రమే కేరవాన్ సదుపాయం ఉంటుంది. అయితే నిర్మాతలు గంగవ్వకు కూడా క్యారవాన్ సదుపాయం కల్పించారంటే ఈమెకు ఎలాంటి ఆదరణ ఉందో మనకు అర్థమవుతుంది. ఇకపోతే గంగవ్వ పలు సినిమా షూటింగులతో కూడా ఎంతో బిజీగా ఉన్నారు.

Gangavva: ఎందరికో స్ఫూర్తిగా గంగవ్వ..

ఈ విధంగా యూట్యూబ్ ఛానల్, సినిమాలతో గంగవ్వ ఏ స్థాయిలో సంపాదిస్తున్నారనే విషయంపై ప్రతి ఒక్కరిలోనూ ఆత్రుత ఏర్పడింది. అయితే గంగవ్వ సన్నిహితుల సమాచారం ప్రకారం ఈమె యూట్యూబ్ ఛానల్ ద్వారా నెలకు లక్ష రూపాయల వరకు ఆదాయం పొందుతారని అలాగే సినిమా షూటింగులలో పాల్గొంటే ఒకరోజు కాల్ షీట్ కోసం గంగవ్వ 10,000 రూపాయల వరకు రెమ్యూనరేషన్ తీసుకుంటారని తెలుస్తోంది. ఏది ఏమైనా గంగవ్వ ఈ వయసులో కూడా బాగా సంపాదిస్తూ ఎంతోమందికి ఆదర్శంగా ఉన్నారని చెప్పాలి.