కొన్ని ప్రశ్నలకు మనం ఎంత వెతికినా సమాధానం దొరకదు. ఉదాహరణకు చెట్టు ముందా విత్తనం ముందా..? కోడి ముందా గుడ్డు ముందా..? లాంటి ప్రశ్నలు తికమక పెట్టడానికి తప్ప సమాధానం చెప్పడానికి మాత్రం వీలు పడదు.

అయితే చాలా కాలంగా గుడ్డు శాఖాహారమా మాంసాహారమా..? అన్న ప్రశ్న కూడా వినిపిస్తుంది. అయితే ఈ ప్రశ్నకు ఇటీవల శాస్త్రవేత్తలు సమాధానం ఇచ్చేశారు. మొదట చాలామందికి వచ్చే ప్రశ్న ఏంటంటే.. కోడి మాంసాహారం కాబట్టి కోడి నుండి వచ్చిన గుడ్డు కూడా మాంసాహారమే అంటూ గుడ్డుని తినడానికి ఇష్టపడరు. దీనికి చిన్న లాజిక్ఏంటంటే.. పశువు అనేది మాంసాహారి.

మరి ఆ పశువుల నుంచి వచ్చే పాలు కూడా మాంసాహారమే అవ్వాలి.. కానీ శాఖాహారంగా ఎందుకు పరిగణిస్తున్నారని చాలామందికి వచ్చే అనుమానం. అయితే గుడ్డుపై శాస్త్రవేత్తలు ప్రయోగాలు చేసి గుడ్డు అనేది శాఖాహారంగా తేల్చేశారు. ఇక గుడ్డు వల్ల ఎన్ని రకాల ఉపయోగాలు ఉన్నాయో ప్రత్యేకంగా చెప్పాల్సిన అవసరం లేదు.

ఉడక బెట్టిన గుడ్డు తింటే ఎన్నో రకాల ఆరోగ్య ప్రయోజనాలు మన సొంతం అవుతాయి. ఇక గుడ్డును అనేక రకాలుగా వండుకుని తినొచ్చు. ఒక కోడి మరో కోడితో సంపర్కం జరిగినప్పుడే ఇది మాంసాహారంగా మారుతుంది. కోడి పుట్టిన ఆరు నెలల తరువాత ఒకటి లేదా రెండు రోజులకు గుడ్డును పెడుతుంది. ఈ ప్రక్రియ కోడిపెట్ట లేదా పుంజుతో సంపర్కం అవసరం లేకుండానే జరుగుతుంది. వీటినే అన్‌ఫెర్టిలైజర్ ఎగ్ అంటారు. సాధారణంగా మార్కెట్‌లో లభించే గుడ్లు అన్‌ఫెర్టిలైజర్ అయి ఉంటాయి. కాబట్టి గుడ్డు గురించి ఏం ఆలోచన లేకుండా లాగించేయవచ్చ అంటారు శాస్త్రవేత్తలు.