Samyuktha Menon: సంయుక్త మీనన్ ప్రస్తుతం తెలుగు చిత్ర పరిశ్రమలో ఎంతో క్రేజ్ ఉన్నటువంటి హీరోయిన్లలో ఒకరుగా పేరు ప్రఖ్యాతలు సంపాదించుకున్నారు. ఇలా తెలుగులో ఈమె బీమ్లా నాయక్ సినిమా ద్వారా తెలుగు ప్రేక్షకుల ముందుకు వచ్చి మంచి గుర్తింపు పొందారు అనంతరం బింబిసార సినిమాతో మరొక హిట్ అందుకున్నారు.

ఇలా బ్యాక్ టు బ్యాక్ హిట్ సినిమాలతో సందడి చేస్తున్నటువంటి సంయుక్త తాజాగా ధనుష్ హీరోగా నటించిన సార్ సినిమా ద్వారా ప్రేక్షకుల ముందుకు వచ్చారు. ఈ సినిమాలో ఈమె బయాలజీ లెక్చరర్ పాత్రలో చీరకట్టులో ఎంతో పద్ధతిగా కనిపించి సందడి చేశారు. ఇలా ఎంతో సాంప్రదాయ దుస్తులలో ఎంతో మందిని ఆకట్టుకున్నటువంటి సంయుక్త మీనన్ కిసంబంధించిన కొన్ని బోల్డ్ ఫొటోస్ ప్రస్తుతం సోషల్ మీడియాలో వైరల్ అవుతుంది.

అయితే ఈ ఫోటోలు చూసినటువంటి నెటిజెన్స్ ఒక్కసారిగా షాక్ అవుతున్నారు. సార్ సినిమాలో చాలా పద్ధతిగా కనిపించిన నటి సంయుక్త మీనన్ ఇలా బోల్డ్ పాత్రలలో నటించడం ఏంటి అని ఆశ్చర్యం వ్యక్తం చేస్తున్నారు. అయితే ఈమె బీమ్ల నాయక్ సినిమా కన్నా ముందుగా తమిళంలో ఎరిడా అనే ఒక సినిమాలో నటించారు. క్రైమ్ డ్రామాగా తెరకెక్కిన ఈ సినిమాలో ఈమె నటుడు నాజర్ తో కలిసి రొమాన్స్ చేసినట్టు తెలుస్తుంది.

Samyuktha Menon: విరూపాక్ష సినిమాతో బిజీగా ఉన్న నటి..

ఇలా సంయుక్త మీనన్ నటుడు నాజర్ తో కలిసి బోల్డ్ రొమాంటిక్ సన్ని వేషాలకు సంబంధించిన ఫోటోలు సోషల్ మీడియాలో వైరల్ కావడంతో ఒక్కసారిగా అభిమానులు షాక్ అవుతున్నారు. ఇక ఈమె తదుపరి సినిమాల విషయానికి వస్తే మెగా హీరో సాయి ధరమ్ తేజ్ హీరోగా నటిస్తున్న విరూపాక్ష సినిమాలో ఈమె హీరోయిన్గా సందడి చేయబోతున్నారు. ప్రస్తుతం ఈ సినిమా శరవేగంగా షూటింగ్ పనులు జరుపుకుంటుంది.