Upasana: మెగా కోడలు ఉపాసన ప్రస్తుతం గర్భిణీ అనే విషయం మనకు తెలిసిందే. మరికొద్ది రోజులలో ఈమె పండంటి బిడ్డకు జన్మనివ్వబోతున్నారు. ఇలా ఉపాసన రాంచరణ్ వివాహం జరిగి సుమారు పది సంవత్సరాల తర్వాత వీరిద్దరూ తల్లిదండ్రులు కాబోతున్న నేపథ్యంలో మెగా కుటుంబ సభ్యులు ఎంతో సంతోషం వ్యక్తం చేశారు. ఇక మరికొద్ది రోజులలో మెగా కాంపౌండ్ లోకి బుల్లి వారసుడు లేదా వారసురాలు అడుగు పెట్టబోతున్నారు.

ఇలా ఉపాసన ప్రెగ్నెంట్ అనే విషయం తెలిసినప్పటి నుంచి ఈమె గురించి ఎన్నో వార్తలు వైరల్ అయ్యాయి. ఉపాసన కూడా ఎప్పటికప్పుడు ప్రెగ్నెన్సీ సమయంలో తనకు కలిగే అనుభూతులను సోషల్ మీడియా వేదికగా అభిమానులతో పంచుకుంటున్నారు. అదేవిధంగా తన బేబీ బంప్ ఫోటోలను కూడా ఈమె సోషల్ మీడియాలో షేర్ చేస్తున్నారు.

ఇలా ఎప్పటికప్పుడు తన ప్రెగ్నెన్సీ విషయాలన్నింటినీ అభిమానులతో పంచుకున్నటువంటి ఈమె సహజంగా తన ప్రెగ్నెన్సీ విషయాన్ని మొదటిసారి తన భర్త రామ్ చరణ్ కు చెప్పినప్పుడు తను ఎలా రియాక్ట్ అయ్యారు అనే విషయాల గురించి కూడా తెలియజేశారు. ఈ సందర్భంగా ఉపాసన మాట్లాడుతూ..నాకు ప్రెగ్నెన్సీ వచ్చిందనిపిస్తోంది అంటూ రామ్ చరణ్ కు చెప్పినప్పుడు తను మాత్రం చాలా కూల్ గా నువ్వు ఈ విషయం గురించి ఎగ్జైట్ అవ్వద్దు అని చెప్పారు.

Upasana:అందుకే చరణ్ అంటే ఇష్టం…

చాలా ప్రశాంతంగా ఉండు మనం పరీక్షలు చేయించుకున్న తర్వాతే నిర్ధారించుకుందాం అని చాలా కూల్ గా సమాధానం చెప్పారు.నేను ఏ విషయం అయినా చాలా తొందరపడి చెప్పేస్తాను కానీ రామ్ చరణ్ అలా కాదు చాలా కూల్ గా ప్రశాంతంగా ఆలోచించి మాట్లాడుతారు అందుకే తనంటే నాకు చాలా ఇష్టం నేను ఇప్పుడు ఇలా సంతోషంగా ఉన్నాను అంటే అందుకు కారణం చరణ్ అంటూ ఈ సందర్భంగా ఉపాసన చేసిన కామెంట్స్ వైరల్ అవుతున్నాయి.