Alia Bhatt -Ranbir Kapoor: బాలీవుడ్ సెలబ్రిటీస్ అలియా భట్ రణబీర్ కపూర్ గత కొంత కాలం నుంచి ప్రేమలో ఉన్న విషయం మనకు తెలిసిందే. ఇలా ప్రేమలో ఉన్నటువంటి ఈ జంట ఈ ఏడాది ఏప్రిల్ నెలలో వివాహం చేసుకున్నారు.వివాహమైన రెండు నెలలకి ఈ దంపతులు తల్లిదండ్రులు కాబోతున్నామంటూ సోషల్ మీడియా వేదికగా తమ సంతోషాన్ని అభిమానులతో పంచుకున్నారు.

ఇలా అలియా భట్ తల్లి కాబోతున్నారని తెలిసినప్పటికీ ఈమె మాత్రం తాను కమిట్ అయిన సినిమాలన్నింటిని చకచకా పూర్తి చేసుకున్నారు.అదేవిధంగా రణబీర్ అలియా ఇద్దరు కలిసి నటించిన బ్రహ్మాస్త్ర సినిమా ప్రమోషన్ కార్యక్రమాలలో కూడా ఈమె పాల్గొని సందడి చేశారు. బేబీ బంప్ తో ఈమె సినిమా షూటింగ్లో ప్రమోషన్ కార్యక్రమాలలో పాల్గొనడం విశేషం.

ఇలా సోషల్ మీడియా వేదికగా నిత్యం తన బేబీ బంప్ ఫోటోలను షేర్ చేస్తూ అభిమానులను సందడి చేసేవారు. ఇకపోతే ఆదివారం ఉదయం ఈమె ముంబైలోని ప్రముఖ హాస్పిటల్ రిలయన్స్ హాస్పిటల్ లో డెలివరీ కోసం చేరినట్టు వార్తలు వచ్చాయి. అయితే ఆదివారం మధ్యాహ్నం ఈమె కూతురికి జన్మనిచ్చారని రణబీర్ దంపతులు సోషల్ మీడియా వేదికగా తెలియజేశారు.

Alia Bhatt -Ranbir Kapoor: అలియా దంపతులపై భారీ ట్రోలింగ్…

ఇలా ఈ దంపతులు పాపకు జన్మనివ్వడంతో కపూర్ ఫ్యామిలీ ఎంతో సంతోషం వ్యక్తం చేస్తూ సంబరాలు చేసుకుంటున్నారు. ఈ విషయాన్ని అధికారకంగా తెలియచేయడంతో ఎంతోమంది అభిమానులతో పాటు సినీ సెలబ్రిటీల సైతం శుభాకాంక్షలు తెలియజేస్తున్నారు. అయితే పెళ్లయిన ఏడు నెలలకే అలియా భట్ కూతురికి జన్మనివ్వడంతో ఈమె పెళ్లి కాకుండానే ప్రెగ్నెంట్ అయింది అందుకే హడావిడిగా పెళ్లి చేసుకున్నారు అంటూ మరికొందరు పెద్ద ఎత్తున ట్రోల్ చేస్తున్నారు.