Poonam Kaur: పూనమ్ కౌర్ పరిచయం అవసరం లేని పేరు.ఈమె సినిమాలలో చాలా తక్కువగా నటించినప్పటికీ సోషల్ మీడియాలో మాత్రం వివాదాస్పదమైన పోస్టులు చేస్తూ పెద్ద ఎత్తున పాపులర్ అయ్యారు. ఇలా ఎన్నో వివాదాస్పద వ్యాఖ్యల ద్వారా తరచూ సోషల్ మీడియా వార్తల్లో నిలుస్తూ ఎంతో గుర్తింపు పొందారు.

ఇకపోతే ఈమె సినిమాల విషయం గురించి మాత్రమే కాకుండా రాజకీయాల గురించి కూడా పలు వివాదాస్పద వ్యాఖ్యలు చేస్తూ పెద్ద ఎత్తున వివాదాలకు కారణం అవుతుంటారు. ఇకపోతే సోషల్ మీడియా వేదికగా ఈమె పరోక్షంగా పోస్టులు చేస్తూ అందరిని కన్ఫ్యూషన్ కి గురి చేస్తూ ఉంటారు.మొత్తానికి సినిమాలకన్నా వివాదాస్పద వ్యాఖ్యల ద్వారా వార్తల్లో నిలిచిన పూనమ్ తాజాగా సోషల్ మీడియా వేదికగా ఒక షాకింగ్ విషయం వెల్లడించారు.

గత కొద్దిరోజులుగా కొందరు నటీమణులు అరుదైన వ్యాధితో బాధపడుతున్న విషయం మనకు తెలిసిందే. ఇప్పటికే సమంత మయోసైటిసిస్ వ్యాధితో బాధపడుతుండగా తాజాగా పూనమ్ సైతం వింత వ్యాధితో బాధపడుతున్నానని తెలిపారు. ఈమె గత రెండు సంవత్సరాల నుంచి ఫైబ్రో మయాల్జియా అనే అరుదైన వ్యాధితో బాధపడుతున్నట్లు తెలిపారు.

Poonam Kaur:రెండు సంవత్సరాల నుంచి బాధపడుతున్న పూనమ్…

ఈ వ్యాధి కారణంగా తాను ఎక్కువసేపు నిలబడలేకపోవడం, తొందరగా నీరసించి అలసిపోవడం, మానసిక స్థితి సరిగా లేకపోవడం అలాగే జ్ఞాపకశక్తి కూడా తగ్గిపోవడం వంటి లక్షణాలతో బాధపడుతున్నానని ఈమె తెలిపారు.ఇకపోతే ప్రస్తుతం తాను ఈ వ్యాధికి కేరళలో ఆయుర్వేద చికిత్స తీసుకుంటున్నట్టు ఈమె సోషల్ మీడియా వేదికగా తెలియజేయడంతో అభిమానులు ఒక్కసారిగా షాక్ అవుతూ ఈ వ్యాధి నుంచి త్వరగా కోలుకోవాలని ఆకాంక్షిస్తున్నారు.