Priyanka Chopra: బాలీవుడ్ ఇండస్ట్రీలో స్టార్ హీరోయిన్ గా, గ్లోబల్ స్టార్ గా కొనసాగుతూ ఎంతో మంచి గుర్తింపు సంపాదించుకున్న నటి ప్రియాంక చోప్రా గురించి ప్రత్యేకంగా పరిచయం అవసరం లేదు. బాలీవుడ్ ఇండస్ట్రీలో స్టార్ హీరోయిన్ గా కొనసాగుతున్న ఈమె ప్రస్తుతం హాలీవుడ్, బాలీవుడ్ చిత్రాలతో ఎంతో బిజీగా గడుపుతున్నారు.
ఇక ప్రియాంక చోప్రా 2018 సంవత్సరంలో తనకన్నా వయసులో పది సంవత్సరాలు చిన్నవాడైన అమెరికన్ పాప్ సింగర్ నిక్‌జొనాస్‌ ను పెళ్లి చేసుకున్న సంగతి మనకు తెలిసిందే. వీరి వివాహం తర్వాత ఈ దంపతులిద్దరూ లాస్ ఏంజెల్స్ లో నివసిస్తున్నారు. ఇదిలావుండగా తాజాగా ఈ దంపతులు సోషల్ మీడియా వేదికగా అభిమానులకు ఓ శుభవార్త తెలియజేశారు.
ఈ క్రమంలోనే ప్రియాంక చోప్రా సోషల్ మీడియా వేదికగా స్పందిస్తూ తన అభిమానులకు ఒక విషయాన్ని తెలియజేశారు. తాను నిక్ పండంటి బిడ్డకు తల్లిదండ్రులు అయ్యామనే శుభవార్తను తెలియజేస్తూ అందరికీ సర్ప్రైజ్ చేశారు.
మా ప్రైవసీకి భంగం కల్పించ వద్దు:
ఈ క్రమంలోనే ఈమె ఈ విషయాన్ని తెలియజేస్తూ సరోగసీ పద్ధతి ద్వారా ఓ బిడ్డకు జన్మనిచ్చిన సమయం మాకు ఎంతో విలువైనది. ఈ ఆనంద సమయాన్ని మీతో పంచుకోవడం ఎంతో సంతోషంగా ఉంది. ఈ సమయం మా జీవితంలో ఎంతో ప్రత్యేకమైనది కనుక మా ప్రైవసీకి భంగం కలిగించవద్దని కోరుతున్నట్లు ప్రియాంక చోప్రా సోషల్ మీడియా వేదికగా పోస్ట్ చేశారు. ప్రస్తుతం ఈ పోస్ట్ సోషల్ మీడియాలో వైరల్ గా మారింది.