Focus Movie: సూర్యతేజ ద‌ర్శ‌క‌త్వంలో విజయ్‌ శంకర్ హీరోగా స్కైరా క్రియేషన్స్‌ సమర్పణలో రిలాక్స్‌ మూవీ మేకర్స్‌ వారు ఓ సస్పెన్స్‌ థ్రిల్లర్‌ ను తెరకెక్కిస్తున్న సంగతి తెలిసిందే. ఈ సనిమాకు ఓ ఇంట్రెస్టింగ్ పేరు పెట్టారు. ‘ఫోకస్’ అనే టైటిల్ ను ఫిక్స్ చేశారు.

మొదట్లో చాలా టైటిల్స్ వినిపించినా.. చివరకు ఫోకస్ ను ఫిక్స్ చేసేశారు. టైటిల్ పెట్ట‌డంతోనే మా సినిమాపై ఇండస్ట్రీతో పాటు ఆడియన్స్‌ ఫోకస్‌ కూడా పడిందన్నారు మూవీ మేకర్స్. ఎన్నో ఆసక్తికరమైన మలుపులతో.. మర్డర్ బ్యాక్‌డ్రాప్‌లో ఈ చిత్రం తెరకెక్కుతోంది. ఈ మర్డర్ చుట్టూ కథ అంతా తిరుగుతుందని.. ప్రతీ సీన్ సస్పెన్స్ గా ఉంటుందని మువీ మేకర్స్ తెలిపారు.

ఇక ఈ సినిమాలో సీనియర్ నటి సహాసిని మణిరత్నం కీలక పాత్రలో నటిస్తోంది. హీరోయిన్ గా బిగ్ బాస్ 3 ఫేమ్ అషూరెడ్డి నటిస్తోంది. హీరోగా నటిస్తున్న విజయ్ శంకర్ దీనిలో సిన్సియర్ పోలీస్ ఆఫీసర్ గా నటిస్తున్నాడు. సుహాసిని జడ్జి పాత్రలో నటిస్తోంది. భాను చందర్, జీవా, షియాజీ షిండే, భరత్‌ రెడ్డి, సూర్య భగవాన్‌ ఇతర ముఖ్య‌ పాత్రల్లో నటిస్తున్నారు.

వారికి ఈ సినిమా బాగా నచ్చుతుంది.. మూవీ మేకర్స్:

ఈ సినిమా మూవీ మేకర్స్ మాట్లాడుతూ.. సస్పెన్స్ థ్రిల్లర్ ను ఇష్టపడే వాళ్లకు ఈ సినిమా ఎంతో బాగా నచ్చుతుందని.. ఈ సినిమా చూసిన తర్వాత కొత్త అనుభూతి పొందుతారన్నారు. ఇక ఈ సినిమాకు సంబంధించిన మరిన్ని విషయాలు.. విశేషాలను త్వరలోనే వెల్లడిస్తామని ద‌ర్శ‌కుడు సూర్య‌తేజ తెలిపారు. వినోద్‌ యజమాన్య ఈ సినిమాకు సంగీత దర్శకుడిగా పనిచేస్తున్నాడు.