టాలీవుడ్ చందమామ కాజల్ అగర్వాల్ గురించి ప్రత్యేకంగా చెప్పాల్సిన పనిలేదు. తెలుగు ఇండస్ట్రీలో ఆమెకు ఉన్న ఫ్యాన్ ఫాలోయింగ్ గురించి మనందరికీ తెలిసిందే.ఈమె తన అందచందాలతో, తనదైన శైలిలో నటిస్తూ ఎంతో మంది ప్రేక్షకుల మనసులను గెలుచుకుంది.అలాగే తెలుగు ఇండస్ట్రీలో ఎంతోమంది అగ్ర హీరోల సరసన నటించింది. ఈమె ఎన్నో బ్లాక్ బస్టర్ హిట్ సినిమాలలో కూడా నటించింది.

ఈమె గత ఏడాది అక్టోబర్ 30వ తేదీన తన చిన్ననాటి స్నేహితుడు, వ్యాపారవేత్త గౌతమ్ కిచ్లు ని వివాహం చేసుకున్న విషయం అందరికీ తెలిసిందే. అయితే ఈ ముద్దుగుమ్మ పెళ్లి అయిన తర్వాత కూడా ఏ మాత్రం తగ్గడం లేదు.పెళ్లి తర్వాత కూడా అదేరీతిలో సినిమాలు చేస్తూ దూసుకుపోతోంది. అంతేకాకుండా ప్రస్తుతం చేతి నిండా సినిమాలతో బిజీబిజీగా ఉంది.

కేవలం తెలుగులో మాత్రమే కాకుండా తమిళంలో కూడా నటించింది. అంతే కాకుండా బాలీవుడ్ ఇండస్ట్రీలో కూడా తన అదృష్టాన్ని పరీక్షించుకుంది.ఇక కాజల్ ప్రస్తుతం సినిమాలకు కాస్త గ్యాప్ తీసుకున్నట్లు వార్తలు వినిపిస్తున్నాయి. కాజల్ గర్భవతి అని అందుకోసం ఆమె సినిమాలకు కాస్త గ్యాప్ తీసుకుంది అంటూ సోషల్ మీడియాలో పెద్దఎత్తున వార్తలు వినిపిస్తున్నాయి.

ఇక ఈ టాలీవుడ్ స్టార్ హీరోయిన్ కి ఏ రేంజ్ లో ఫాలోయింగ్ ఉందో మనందరికి తెలిసిందే. కాజల్ నిత్యం సోషల్ మీడియాలో యాక్టివ్గా ఉంటూ సంబంధించిన ప్రతి ఒక్క విషయాన్ని తన అభిమానులతో పంచుకుంటూ ఉంటుంది. తాజాగా తన ఇంస్టాగ్రామ్ ఖాతాలు 20 మిలియన్ అంతే రెండు కోట్లకు చేరుకుంది. దీన్ని బట్టి చూస్తే కాజల్ కూ పెళ్లి అయినా కూడాకాజల్ ఫాలోయింగ్ ఏ మాత్రం తగ్గలేదు అర్థం అవుతోంది.