Anchor Suma: బుల్లితెరపై గత రెండు దశాబ్దాల నుంచి మకుటం లేని మహారాణిగా బుల్లితెరను ఏలుతున్నటువంటి యాంకర్ సుమ గురించి ప్రత్యేకంగా పరిచయం అవసరం లేదు. ప్రస్తుతం ఈమె బుల్లితెరపై క్యాష్ కార్యక్రమానికి మాత్రమే వ్యాఖ్యాతగా వ్యవహరిస్తున్నారు. ఇక సుమ నిత్యం సినిమా ప్రీ రిలీజ్ ఈవెంట్లు, సక్సెస్ మీట్ అంటూ పెద్ద ఎత్తున సినిమా ఈవెంట్లతో బిజీగా గడుపుతున్నారు.

ఒక వైపు సినిమా ఈవెంట్లతో బిజీగా ఉండటమే కాకుండా, క్యాష్ కార్యక్రమానికి వ్యాఖ్యాతగా వ్యవహరిస్తూ ప్రతి వారం ప్రేక్షకులను తమదైన శైలిలో సందడి చేస్తున్నారు. ఈ క్రమంలోనే గత శనివారం ఏకంగా బాలీవుడ్ సెలబ్రిటీలు కూడా ఈ కార్యక్రమానికి రావడంతో క్యాష్ కార్యక్రమం జాతీయస్థాయిలో చర్చలకు వచ్చింది. ఈవారం ప్రసారం కాబోయే క్యాష్ కార్యక్రమానికి సంబంధించిన ప్రోమో విడుదల చేశారు.

ఈ ప్రోమోలో భాగంగా జబర్దస్త్ కమెడియన్స్ గడ్డం నవీన్, పొట్టి నరేష్, దొరబాబు, బుల్లెట్ భాస్కర్ వంటి వాళ్లు హాజరైనట్టు తెలుస్తుంది. ఇక ఈ కార్యక్రమానికి వీరు రాగానే సుమ రూల్స్ గురించి మీకు తెలిసిందే కొత్తగా చెప్పాల్సిన పని లేదు అని అంటుంది.వెంటనే నరేష్ ఏదైనా కొత్తగా ఉంటే చెప్పండి అని అనగా సుమా మాత్రం నువ్వే పాతగా అయిపోయావు కొత్తగా చెప్పడానికి ఇంకేం ఉంటాయి అంటూ పంచ్ వేసింది.

Anchor Suma: వయసు కాదు అనుభవం పెరుగుతుంది…

అనంతరం సుమ మాట్లాడుతూ నువ్వు చూడటానికి ఇంతే ఉన్న వయసు మాత్రం బాగా పెరుగుతుంది అంటూ నరేష్ పై పంచ్ వేయగా నరేష్ మాత్రం వయసు కాదు అనుభవం పెరుగుతోంది అంటూ షాక్ ఇచ్చాడు.అనంతరం ఒక టాస్క్ లో భాగంగా సుమ గబ్బర్ సింగ్ అవతారం ఎత్తారు.ఈ టాస్క్ లో భాగంగా నరేష్ ఏకంగా సుమను ఆంటీ అని పిలవడంతో సుమ ఒక్కసారిగా అతనిపై ఫైర్ అవుతూ ఎవడ్రా నీకు ఆంటీ అలా పిలవద్దని ఎన్నిసార్లు చెప్పానంటూ తనపై మండిపడ్డారు. అయితే ఇదంతా కూడా టాస్క్ లో భాగమేనని తెలుస్తోంది.