బిగ్ బాస్ అంతా గత రెండు మూడు రోజుల నుంచి ఫ్యామిలీ మెంబర్స్ తో కళకళలాడుతోంది. ఎమోషన్స్ తో పాటు ఉప్పోంగిపోతోంది. తమ ఫ్యామిలీ మెంబర్స్ ను చూసి సంతోషంలో తేలిపోతున్నారు. హౌస్ అంతా ఎప్పుడూ గొడవలు, చిరాకులతో నిండిపోయేది.. ఇప్పుడు భావోద్వేగంతో నిండిపోతోంది.
ఇక మొదటి రోజు హౌస్ లో శ్రీరామచంద్ర ఫ్యామిలీ, కాజల్ ఫ్యామిలీ, సన్నీ ఫ్యామిలీ మెంబర్స్, మానస్ ఫ్యామిలీ, సిరి ఫ్యామిలీలు రాగా.. రెండో రోజు యాంకర్ రవి, ప్రియాంక సింగ్ మరియు షణ్ముఖ్ ఫ్యామిలీ మెంబర్స్ హౌస్ లోకి వచ్చారు. ఏ తప్పు చేస్తున్నారో ఇన్ డైరెక్ట్ గా చెబుతూ.. ఆటపై ఫోకస్ పెట్టండి అంటూ చెప్పారు. ఇక ప్రియాంక కోసం తన సోదరి మధు వచ్చింది.
వచ్చిరాగానే మానస్ కు సారీ అండీ అని చెప్తుంది. ఆమె అతడికి సారీ ఎందుకు చెప్పిందో ఇంట్లో ఉన్న వాళ్లకు ఏమి అర్థం కాలే కానీ.. ఆమె అలా చెప్పడానికి గల కారణం ఉంది. ప్రియాంక సింగ్ కు సపోర్ట్ ఇవ్వడం.. ఇక ఆ ఇష్టం అనేది వేరే విధంగా పోతుండటంతో.. ప్రియాంకకు ఆమె సోదరి వార్నింగ్ ఇస్తూ.. ఆటపై ఫోకస్ పెట్టు అంటూ పరోక్షంగా చెప్పింది.
దానిని దృష్టిలో ఉంచుకొని ఆమె మానస్ కు సారీ చెప్పింది. ఇక షణ్ముఖ్ విషయానికి వస్తే.. వాళ్ల అమ్మ హౌస్ లోకి వచ్చారు. వేరే వాళ్ల కోసం ఆట ఆడోద్దు.. ట్రిప్ అవ్వోద్దు.. నీ ఆటపై దృష్టి పెట్టు అంటూ ఆమె సలహా ఇచ్చారు. ఇక గేమ్ గేమ్ లా చూడు.. ఎక్కువ ఎమోషనల్ అవ్వొద్దు అంటూ ఆమె చెప్పారు. ఇక ఒకే దగ్గర కూర్చోకు.. అందరితో కలిసి మాట్లాడు అని తన కొడుకు షణ్ముఖ్ కు సలహా ఇస్తుంది.