Actress Kushbu: బుల్లితెర పై ప్రసారమయ్యే కార్యక్రమాలలో జబర్దస్త్ కార్యక్రమానికి ఎంతో మంచి క్రేజ్ ఉంది.ఈ కార్యక్రమం మొదట్లో జబర్దస్త్ కార్యక్రమం ఒకటే కొనసాగుతుండగా ఈ కార్యక్రమానికి మంచి ఆదరణ రావడంతో ఎక్స్ ట్రా జబర్దస్త్ కార్యక్రమాన్ని కూడా నిర్వహిస్తున్నారు. ఇక ప్రతి శుక్రవారం ఎక్స్ ట్రా జబర్దస్త్ కార్యక్రమం ప్రసారమవుతు పెద్ద ఎత్తున బుల్లితెర ప్రేక్షకులను సందడి చేస్తోంది.
ఈ క్రమంలోనే ఈ వారం ప్రసారం కాబోయే ఎపిసోడ్ కు సంబంధించిన ఒక ప్రోమో విడుదల చేశారు. ఇక ఈ ప్రోమోలో భాగంగా ఎప్పటిలాగే జబర్దస్త్ కమెడియన్స్ అందరూ కూడా తమదైన శైలిలో పెర్ఫార్మెన్స్ చేస్తూ అందరిని నవ్వించారు. ఇక గెటప్ శీను ఈసారి టైం ఫాంటసీ స్కిట్ ద్వారా ప్రేక్షకుల ముందుకు వచ్చారు. ఇలా తన స్కిట్ తో అందరిని సందడి చేశారు.
అనంతరం యాంకర్ రష్మీ మాట్లాడుతూ ఒకవేళ టైం ట్రావెల్ చేస్తే ఏం జరగాలని కోరుకుంటారు అంటూ అందరిని ప్రశ్నించారు. ఈ క్రమంలోనే ఇదే ప్రశ్నను యాంకర్ రష్మీ జడ్జి స్థానంలో ఉన్నటువంటి కుష్బూని అడగడంతో కుష్బూ ఈ ప్రశ్నకు సమాధానం చెబుతూ ఏకంగా ఎమోషనల్ అవ్వడమే కాకుండా కన్నీళ్లు పెట్టుకున్నారు.
Actress Kushbu: ఆమె ఎప్పటికీ నాతోనే ఉండాలి…
ఈ సందర్భంగా కుష్బూ మాట్లాడుతూ తాను ఇండస్ట్రీలోకి 1984లో ఇండస్ట్రీలోకి వచ్చాను. అదే సమయంలో తన హెయిర్ డ్రెస్సర్ ఉబెన్ ఆంటీ వచ్చారు.ఆమె నాతోపాటు 2011 వరకు కలిసి ఉంది. అయితే క్యాన్సర్ తో ఆమె 2011లో మరణించారు. ఒకవేళ నేనే కనుక జీవితంలో వెనక్కి వెళ్లాల్సి వస్తే ఆమె ఎప్పటికీ నాతోనే ఉండాలని కోరుకుంటాను అంటూ కుష్బూ ఒక్కసారిగా తన హెయిర్ డ్రెస్సర్ ను తలుచుకొని ఎమోషనల్ అయ్యారు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్ గా మారింది.
