Sara Ali Khan:సాధారణంగా సినిమా ఇండస్ట్రీలో ఉండే సెలబ్రిటీలు ఒక్కసారిగా బయటకు వచ్చారంటే వారి పరిస్థితి ఎలా ఉంటుందో అందరికీ తెలిసిందే. వారితో సెల్ఫీలు దిగడానికి పెద్ద ఎత్తున అభిమానులు ఎగబడుతూ ఉంటారు. ఇలా బయటకు రావడానికి సెలబ్రిటీలు కాస్త వెనకడుగు వేస్తుంటారు అని చెప్పాలి.

ఇక టాలీవుడ్ సెలబ్రిటీలు ముఖ్యమైన ఈవెంట్లకు మినహా ఎక్కడికి బయటికి రారు. కానీ బాలీవుడ్ ఇండస్ట్రీలో హీరోయిన్లు అలా కాదు వారు జిమ్ కి వెళ్లాలన్నా కూడా బహిరంగంగా బయట తిరుగుతూ వెళ్తుంటారు. ఈ క్రమంలోనే ఫోటోగ్రాఫర్లు జిమ్ సెంటర్ల వద్ద హీరోయిన్ల కోసం పడిగాపులు కాస్తూ ఉంటారు.

ఇలా చాలామంది హీరోయిన్లు వర్కౌట్ చేయడం కోసం జిమ్ సెంటర్ కి రావడమే కాకుండా ఫోటోగ్రాఫర్లకు పని చెబుతూ పెద్ద ఎత్తున ఫోటోలకు ఫోజులిస్తూ ఉంటారు. మరికొందరు మాత్రం ఫోటోగ్రాఫర్ల చేతికి చిక్కకుండా మెల్లిగా జారుకుంటారు. ఈ క్రమంలోనే నటి సార అలీ ఖాన్ సైతం ఫోటోగ్రాఫర్ల కంటికి చిక్కినట్టే చిక్కి జారిపోయారు.

Sara Ali Khan:

తాజాగా ఈమె జిమ్ సెంటర్ నుంచి బయటకు రావడంతో ఒక్కసారిగా ఫోటోగ్రాఫర్లు ఆమెను తమ కెమెరాలలో బంధించడానికి ప్రయత్నం చేశారు. అయితే ఈమె మాత్రం కెమెరాల కంటికి చిక్కకుండా కారులోకి వెళ్లి కూర్చోవడమే కాకుండా ఫోటోగ్రాఫర్లకు కనపడకుండా కారులో దాక్కొని మరీ వెళ్లారు. ఈమె ఎందుకు ఇలా ప్రవర్తించారో తెలియక పోయినప్పటికీ ఇందుకు సంబంధించిన ఫోటోలు వీడియోలు ప్రస్తుతం వైరల్ అవుతున్నాయి.