టాలీవుడ్ యంగ్ హీరో అడవి శేషు తీవ్ర అనారోగ్య సమస్యతో ఆస్పత్రి పాలయ్యాడు. గత కొద్దిరోజుల నుంచి డెంగ్యూ జ్వరంతో బాధపడుతున్న నటుడు క్రమంగా అతని శరీరంలో ప్లేట్లెట్స్ తగ్గిపోవడంతో తీవ్ర అస్వస్థతకు గురైనట్లు తెలుస్తోంది. ఈక్రమంలోనే అడివి శేష్ ను సరైన చికిత్స కోసం హైదరాబాద్ లోని ఒక ప్రైవేట్ ఆస్పత్రిలో అడ్మిట్ అయినట్లు తెలుస్తోంది.

ఈ క్రమంలోనే వైద్యులు అతని ఆరోగ్య పరిస్థితిని క్షుణ్ణంగా పరీక్షిస్తున్నట్లు తెలుస్తోంది. అయితే అడివి శేష్ అనారోగ్య సమస్యతో ఆస్పత్రి పాలయ్యాడన్న విషయం తెలియడంతో అభిమానులు కొంతవరకు ఆందోళన చెందుతూ అతడికి ఏం కాకుండా క్షేమంగా కోలుకోవాలని ప్రార్థిస్తున్నారు.

అయితే ప్రస్తుతం అడవిశేషు ఆరోగ్య పరిస్థితి ఏ విధంగా ఉంది… వైద్యులు ఏమంటున్నారు అనే విషయం గురించి అధికారికంగా వెల్లడించాల్సి ఉంది. ఇక సినిమాల విషయానికి వస్తే నటుడు అడివి శేష్ మేజర్ అనే సినిమాలో నటిస్తున్న సంగతి మనకు తెలిసిందే. ఈ సినిమా ముంబై టెర్రర్ దాడులలో అమరుడైన మేజర్ సందీప్ ఉన్నికృష్ణన్ జీవిత ఆధారంగా తెరకెక్కుతోంది.

ఇప్పటికే దాదాపు షూటింగ్ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది.అదే విధంగా ఈ సినిమా నుంచి విడుదలైన టీజర్ ఫస్ట్ లుక్ పోస్టర్ ప్రేక్షకులను విపరీతంగా ఆకట్టుకున్నాయి. వీటితో పాటు గూడచారి సీక్వెల్ గా గూడచారి 2, హిట్ చిత్రానికి సీక్వెల్ చిత్రంగా హిట్ 2 చిత్రాలలో అడివి శేష్ నటించబోతున్నారు.