బుల్లితెరపై ప్రసారమయ్యే కార్యక్రమాలలో జబర్దస్త్ కార్యక్రమానికి విపరీతమైన క్రేజ్ ఉందనే విషయం మనకు తెలిసిందే. ఎంతోమంది అభిమానులను సంపాదించుకున్న ఈ కార్యక్రమంపై కొన్నిసార్లు వ్యతిరేకత కూడా ఏర్పడుతుంది.ఈ కార్యక్రమం ద్వారా ఎంతో మంచి గుర్తింపు సంపాదించుకున్న హైపర్ ఆది ప్రతి వారం స్కిట్ లో భాగంగా ఎవరో ఒకరిని పరిచయం చేయడం సర్వసాధారణం. ఈ క్రమంలోనే గతవారం ప్రసారమైన కార్యక్రమంలో భాగంగా యాంకర్ శివను జబర్దస్త్ వేదిక పైకి తీసుకు వచ్చారు.

జబర్దస్త్ కార్యక్రమానికి వచ్చిన శివ ఆది స్కిట్ లో భాగంగా సందడి చేశారు. ఈ క్రమంలోనే యాంకర్ శివ ప్రశ్న శైలి ఏ విధంగా ఉంటుందో మనకు తెలిసిందే. ఈ క్రమంలోనే గతవారం ఈ కార్యక్రమానికి సంబంధించిన ప్రోమో విడుదల చేశారు. ఆ ప్రోమోలో భాగంగా యాంకర్ శివ, అనసూయ వస్త్రధారణ పై కామెంట్ చేయడంతో అనసూయ అక్కడి నుంచి ఎంతో కోపంగా బయటకు వెళ్ళినట్లు చూపించారు.

ఈ ప్రోమో చూసిన నెటిజన్లు ఇదంతా నిజంగానే జరిగిందా లేక రేటింగ్స్ కోసం ఇలా ప్రోమో కట్ చేశారా అనే ఆలోచనలో పడ్డారు. అయితే చివరికి ఈ కార్యక్రమం ప్రసారం కాగానే అనసూయ అలా హైపర్ ఆది పై ఆగ్రహం వ్యక్తం చేస్తూ బయటకు వెళ్ళటం కేవలం రేటింగ్స్ కోసమేనని గతవారం ప్రసారమైన ఎపిసోడ్ ద్వారా బట్టబయలైంది.ఇదంతా కేవలం అనసూయ ఆది ఆడిన నాటకమని, ఇదంతా రోజా గారిని నమ్మించడం కోసమే చేశామని చెప్పారు.

ఈ క్రమంలోనే రోజా మాట్లాడుతూ అదంతా తన నమ్మలేదని.. అనసూయ చేసిన ఓవరాక్షన్ పై సెటైర్లు వేశారు. ఏదిఏమైనా కేవలం రేటింగ్స్ కోసం ఈ విధమైనటువంటి చీప్ ట్రిక్స్ ప్లే చేసిన అనసూయ, ఆది, శివ లపై నెటిజన్లు ఆగ్రహం వ్యక్తం చేస్తున్నారు.. కేవలం రేటింగ్స్ కోసం ఈ విధంగా చేస్తారా అంటూ మండిపడుతున్నారు.