NTR -Chiranjeevi: సినిమా ఇండస్ట్రీకి రాజకీయాలకు మధ్య ఎంతో అవినాభావ సంబంధం ఉంది.రాజకీయాలలో కొనసాగిన వారు సినిమాలలోకి రావడం సినిమాలలో కొనసాగుతూ ఎంతో పేరు ప్రఖ్యాతలు సంపాదించుకున్న వారు రాజకీయాలలోకి వెళ్లడం సర్వసాధారణంగా జరిగే అంశం. ఇలా సినిమా ఇండస్ట్రీలో ఎంతోమంది నటీనటులుగా గుర్తింపు సంపాదించుకొని రాజకీయ నాయకులుగా పేరు ప్రఖ్యాతలు సంపాదించుకున్న వారు ఉన్నారు. అలాంటి వారిలో ఎన్టీఆర్, ఎంజీఆర్ జయలలిత వంటి వారు ఒకరు.

ఈ నటీనటులను ఆదర్శంగా తీసుకొని కమల్ హాసన్ చిరంజీవి వంటి తదితరులు కూడా రాజకీయాలలోకి వచ్చారు.ఇకపోతే తెలుగు సినిమా ఇండస్ట్రీ విషయానికి వస్తే నందమూరి తారక రామారావు 58 సంవత్సరాల వయసులో తెలుగుదేశం పార్టీని స్థాపించి పార్టీ స్థాపించిన తొమ్మిది నెలలకే అధికారంలోకి వచ్చి చరిత్ర సృష్టించారు. ఇక ఎన్టీఆర్ స్ఫూర్తిగా మెగాస్టార్ చిరంజీవి కూడా ప్రజారాజ్యం పార్టీని స్థాపించి ఎన్నికలలో పోటీ చేసినప్పటికీ ఈయనకు పెద్దగా రాజకీయాలు కలిసి రాకపోవడంతో తన ప్రజారాజ్యం పార్టీని కాంగ్రెస్ పార్టీలో విలీనం చేశారు.

ఇకపోతే తెలుగు సినిమా ఇండస్ట్రీలో ఎన్టీఆర్ తర్వాత చిరంజీవి కన్నా ముందుగా మరొక టాలీవుడ్ హీరో సొంతంగా రాజకీయ పార్టీని పెట్టారు. అయితే ఈ రాజకీయ పార్టీ గురించి చాలామందికి తెలియదు. ఇలా ఎన్టీఆర్ తర్వాత సొంత రాజకీయ పార్టీ పెట్టిన హీరో మరెవరో కాదు నందమూరి తారక రామారావు కుమారుడు, నటుడు హరికృష్ణ. ఈయన తన తండ్రి తర్వాత సొంత రాజకీయ పార్టీని పెట్టారు.

NTR -Chiranjeevi: అన్న తెలుగుదేశం పార్టీ…

హరికృష్ణ 1999లో అన్న తెలుగుదేశం పార్టీని స్థాపించారు.ఇలా సొంత పార్టీని స్థాపించిన ఈయన గంట గుర్తుతో 1999 సార్వత్రిక ఎన్నికలలో పోటీకి దిగారు. అయితే ఈయన పార్టీ ఏ విధమైనటువంటి ప్రభావం చూపకపోవడంతో హరికృష్ణ తిరిగి టిడిపి పార్టీలో క్రియాశీలకంగా మారి పార్టీ వ్యవహారాలను చూసుకున్నారు. ఇక తెలుగుదేశం పార్టీ తరపున ఈయన రాజ్యసభ సభ్యునిగా కూడా పనిచేశారు. అయితే ఈయన పెట్టిన అన్న తెలుగుదేశం పార్టీ గురించి చాలామందికి తెలియదు.