Venu Swamy: వివాదాస్పద జ్యోతిష్యుడుగా పేరు సంపాదించుకున్నటువంటి వారిలో వేణు స్వామి ఒకరు. ఈయన జ్యోతిష్యం చెబుతూ పెద్ద ఎత్తున వార్తలలో నిలిచారు. అయితే ఈయన ఈ మధ్యకాలంలో ఎక్కువగా సినిమా సెలబ్రిటీలకు సంబంధించి జాతకాలను చెబుతూ వార్తలలో నిలిచారు. ఇలా కొంతమంది సెలబ్రిటీల విషయంలో వేణు స్వామి చెప్పినటువంటి మాటలు నిజం కావడంతో ఈయననే నమ్మే వారి సంఖ్య అధికంగా ఉంది.

ఇటీవల కాలంలో వేణు స్వామి చేసినటువంటి వ్యాఖ్యలు నిజం కాకపోవడంతో ఈయన ఎన్నో విమర్శలను ఎదుర్కొంటున్నారు. ఇలా తరచూ ఏదోక వివాదం ద్వారా వార్తల్లో నిలుస్తూ ఉన్నటువంటి వేణు స్వామి గురించి తాజాగా మరొక వార్త సోషల్ మీడియాలో వైరల్ గా మారింది. ఈయన ఇప్పటివరకు జాతకాలు చెబుతూ జ్యోతిష్యుడుగానే అందరికీ పరిచయం కానీ యాక్టర్ గా సినిమాలలో కూడా నటించారని తెలుస్తుంది.

ఈయన నటించిన సినిమాలకు సంబంధించి పలు వీడియోలు ప్రస్తుతం సోషల్ మీడియాలో వైరల్ గా మారడంతో అందరూ షాక్ అవుతున్నారు. అరే వేణు స్వామి జ్యోతిష్యుడు మాత్రమే కాదా యాక్టర్ కూడానా అంటూ కామెంట్ లు చేస్తున్నారు. మరి ఈయన ఏ సినిమాలలో నటించారు ఒకవేళ నటించి ఉంటే ఎలాంటి పాత్రలలో నటించారనే విషయానికి వస్తే..

పూజారి పాత్రలో వేణు స్వామి…

వేణు స్వామి పలు సినిమాలలో నటించిన ఈయన పంతులు పాత్రలలోనే నటించారని తెలుస్తుంది. జగపతిబాబు హీరోగా నటించిన జగపతి అనే సినిమాలో ఈయన ఆలయంలో ఒక పూజారి పాత్రలో నటించి సందడి చేశారు. ప్రస్తుతం ఇందుకు సంబంధించినటువంటి వీడియో వైరల్ గా మారింది. ఇక ఈ ఒక్క సినిమాలో మాత్రమే కాకుండా మహేష్ బాబు త్రిష హీరో హీరోయిన్లుగా త్రివిక్రమ్ శ్రీనివాస్ దర్శకత్వంలో తెరకెక్కిన అతడు సినిమాలో కూడా ఈయన పూజారి పాత్రలోనే కనిపించారు. ఇలా ఈ వీడియోలు వైరల్ గా మారడంతో అందరూ ఆశ్చర్యం వ్యక్తం చేస్తున్నారు.