Anasuya: ప్రస్తుతం జయ శంకర్ దర్శకత్వంలో ఓ సినిమా రూపొందుతోంది. ఇందులో జబర్దస్త్ బ్యూటీ అనసూయతో పాటు సాయి కుమార్, వైవా హర్ష, శ్రీనివాస్ రెడ్డి, చమ్మక్ చంద్ర తదితరులు కీలక పాత్రలో నటిస్తున్నారు. ఇక ఈ సినిమా డిఫరెంట్ కాన్సెప్ట్ తో రూపొందుతుంది. ఆర్ వి సినిమాస్ బ్యానర్ పై ఈ సినిమాను నిర్మాతలు ఆర్ వి రెడ్డి, శేషు మారం రెడ్డి నిర్మిస్తున్నారు.

ఇక ఈ సినిమా త్వరలోనే ప్రేక్షకుల ముందుకు రానున్న సందర్భంగా.. నిర్మాత శేషు కొన్ని విషయాలు పంచుకున్నాడు. ఈ సినిమా షూటింగ్ లో ఉందని వచ్చే నెలలో ఈ షూటింగ్ పూర్తవుతుందని అన్నారు. ముఖ్యంగా చమ్మక్ చంద్ర, శ్రీనివాస్ రెడ్డి కి సంబంధించిన సన్నివేశాలు మాత్రమే దర్శకుడు అద్భుతంగా తెరకెక్కించాడని.. థియేటర్ లో ఇవి హైలెట్ గా మారతాయని తెలిపాడు.

శ్రీనివాస్ రెడ్డి, చమ్మక్ చంద్ర సీన్స్ అద్భుతం: నిర్మాత శేషు

డైరెక్టర్ వర్కింగ్ గురించి కూడా గొప్పగా తెలిపాడు. ఈ నేపథ్యంలో ఆయనతో మరో సినిమా ప్లాన్ కూడా చేస్తున్నామని అన్నాడు. ఇక డైరెక్టర్ మాట్లాడుతూ సినిమాను అద్భుతంగా తెరకెక్కిస్తున్నామని అన్నాడు. ఈ సినిమాకు అనూప్ సంగీతం ప్లస్ పాయింట్ అవుతుందని అన్నాడు. ఇక త్వరలోనే టైటిల్ తో పాటు సినిమా విడుదల డేట్ ను విడుదల చేస్తామని డైరెక్టర్ జయశంకర్ తెలిపాడు.