మెగా కాంపౌండ్ నుంచి ఇండస్ట్రీలోకి అడుగుపెట్టిన హీరోలలో కళ్యాణ్ దేవ్ ఒకరు. ఈయన విజేత సినిమా ద్వారా ఇండస్ట్రీలోకి అడుగు పెట్టారు. కళ్యాణ్ దేవ్ మెగాస్టార్ చిరంజీవి చిన్న కూతురు శ్రీజ భర్త అన్న సంగతి అందరికీ తెలిసిందే. ఇలా శ్రీజను వివాహం చేసుకున్న తర్వాత విజేత సినిమా ద్వారా ఇండస్ట్రీలోకి అడుగు పెట్టిన కళ్యాణ్ సరైన హిట్ కోసం ఎదురు చూస్తున్నారు.
ఈక్రమంలోనే కళ్యాణ్ దేవ్ హీరోగా పులి వాసు దర్శకత్వంలో తెరకెక్కిన చిత్రం “సూపర్ మచ్చి”. ఈ సినిమా ఇప్పటికే ప్రేక్షకుల ముందుకు రావాల్సి ఉండగా కరోనా కారణం చేత వాయిదా పడింది. ఈ క్రమంలోనే తాజాగా ఈ చిత్రం నుంచి దీపావళి పండుగ సందర్భంగా టీజర్ విడుదల చేశారు. ప్రస్తుతం ఈ టీజర్ సోషల్ మీడియాలో వైరల్ గా మారి ప్రేక్షకులను ఆకట్టుకుంటుంది.
కళ్యాణ్ దేవ్, రియా చక్రవర్తి, రచిత రామ్ ప్రధాన పాత్రలలో తెరకెక్కిన ఈ సినిమాను రిజ్వాన్ ఎంటర్టైన్మెంట్ బ్యానర్ పై రిజ్వాన్, ఖుషి సంయుక్తంగా నిర్మిస్తున్నారు. ఇప్పటికే ఈ చిత్రం నుంచి విడుదలైన పాటలు కూడా ప్రేక్షకులను ఆకట్టుకున్నాయి. ఈ క్రమంలోని తాజాగా ఈ చిత్రం నుంచి విడుదలైన టీజర్ ప్రేక్షకులను విపరీతంగా ఆకట్టుకుంటుంది.
లవ్ అండ్ యాక్షన్ ఎంటర్ టైనర్ గా తెరకెక్కిన ఈ సినిమాకు తమన్ బ్యాగ్రౌండ్ మ్యూజిక్ హైలెట్ గా నిలిచింది. అలాగే శ్యామ్ కె నాయుడు సినిమాటోగ్రఫీ అద్భుతంగా వచ్చిందని చెప్పవచ్చు. ఇక ఈ చిత్రంలో సీనియర్ నటులు రాజేంద్ర ప్రసాద్, తనికెళ్ల భరణి, పోసాని, ప్రగతి కీలక పాత్రలో నటించినట్లు తెలుస్తుంది. ప్రస్తుతం ఈ టీజర్ సోషల్ మీడియాలో వైరల్ గా మారింది.