Kevvu Karthik: మిమిక్రీ ఆర్టిస్ట్ గా ఇండస్ట్రీ లోకి అడుగుపెట్టి అనంతరం జబర్దస్త్ కార్యక్రమంలో కమెడియన్ గా తన ప్రయాణం మొదలుపెట్టి ప్రస్తుతం టీం లీడర్ గా కొనసాగుతున్నటువంటి కెవ్వు కార్తీక్ గురించి అందరికీ సుపరిచితమే. ఈయన బుల్లితెరపై కామెడీ షోలలో సందడి చేయడమే కాకుండా వెండితెరపై కూడా సినిమా అవకాశాలను అందుకుంటు బిజీగా ఉన్నారు.

తాజాగా బెల్లంకొండ గణేష్ హీరోగా నటించిన స్టూడెంట్ సర్ అనే సినిమా ద్వారా ప్రేక్షకుల ముందుకు వచ్చారు.. ఇకపోతే కెవ్వు కార్తిక్ కొద్ది రోజుల క్రితం సోషల్ మీడియా వేదికగా తాను పెళ్లి చేసుకోబోతున్నాను అంటూ తనకు కాబోయే భార్యను పరిచయం చేసిన విషయం మనకు తెలిసిందే. ప్రీ వెడ్డింగ్ షూట్లో భాగంగా దిగిన ఫోటోలను షేర్ చేశారు. అయితే ఈ ఫోటోలలో ఎక్కడా కూడా తన భార్య ఫేస్ రివిల్ చేయలేదు.

ఇలా ఈ ఫోటోలను షేర్ చేసిన రెండు రోజులకే కార్తీక్ మరోసారి తన భార్య ఫేస్ రివిల్ చేస్తూ షేర్ చేస్తున్న ఫోటోలు సోషల్ మీడియాలో వైరల్ అయ్యాయి. అలాగే తన జీవితంలోకి వస్తున్నందుకు ఆమెకు ప్రత్యేకంగా కృతజ్ఞతలు తెలియజేస్తూ చేసిన పోస్ట్ వైరల్ అయింది. పెళ్లి చేసుకొని కొత్త జీవితంలోకి అడుగు పెట్టారని తెలుస్తుంది.

Kevvu Karthik: సంతోషంగా ఉండాలి…

కెవ్వు కార్తిక్ గురువారం సాయంత్రం హైదరాబాదులో ఎంతో ఘనంగా వివాహం చేసుకున్నారు. ఈ వివాహానికి జబర్దస్త్ కమెడియన్ల అందరూ కూడా హాజరయ్యారు. ఇక ఈ వివాహ వేడుకలో భాగంగా జబర్దస్త్ కమెడియన్ గెటప్ శ్రీను తన భార్యతో కలిసి హాజరయ్యారు ఈ క్రమంలోనే శ్రీను తన కార్తీక్ పెళ్లిలో దిగిన ఫోటోని సోషల్ మీడియాలో షేర్ చేస్తూ కార్తీక్ దంపతులకు శుభాకాంక్షలు తెలియజేయడమే కాకుండా జీవితాంతం సంతోషంగా ఉండాలని ఆశీర్వదించారు. ప్రస్తుతం ఈ ఫోటో వైరల్ అవుతుంది.