Actress Nagma: పెరుగుతున్న సాంకేతిక టెక్నాలజీని ఆధారంగా చేసుకుని మోసాలకు పాల్పడే వారి సంఖ్య కూడా అధికమవుతుంది. ఈ క్రమంలోనే సైబర్ నేరగాళ్లు బాగా చదువుకొని సంపాదించే వారిని సెలబ్రిటీలను టార్గెట్ చేస్తూ పెద్ద ఎత్తున మోసాలకు పాల్పడుతున్నారు. ఇలా ఇప్పటికే ఎంతోమంది సైబర్ నేరగాళ్ల చేతిలో మోసపోయామంటూ పోలీసులను ఆశ్రయించిన విషయం మనకు తెలిసిందే.
నటి నగ్మా కూడా సైబర్ నేరగాళ్ల చేతిలో దారుణంగా మోసపోయారని తెలుస్తుంది. ఈ క్రమంలోనే ఈమె తాను మోసపోయిన విషయాన్ని తెలియచేశారు.తనకు తన మొబైల్ నంబర్ కు ఒక బ్యాంక్ నుంచి మెసేజ్ వచ్చిందని తెలిపారు. అయితే ఆ బ్యాంక్ మెసేజ్ క్లిక్ చేయగానే తనకు ఫోన్ వచ్చిందని అవతల వ్యక్తి తాను బ్యాంక్ ఉద్యోగిని అంటూ పరిచయం చేసుకున్నారని తెలిపారు.
ఇలా బ్యాంకు నుంచి ఫోన్ చేస్తున్నామంటూ మాట్లాడిన ఆ వ్యక్తి కేవైసీ అప్డేట్ చేయాలని అడిగారు. అయితే అప్పటికి తాను తన వివరాలను ఇవ్వకపోయినప్పటికీ సదరు వ్యక్తి ఆన్లైన్లోనే ఇంటర్నెట్ బ్యాంకింగ్ లోలాగిన్ అయ్యారని తెలుస్తుంది. ఇలా అవతల వ్యక్తి లాగిన్ అయ్యే సమయంలో దాదాపు తనకు 20 వరకు ఓటీపీలు వెంట వెంటనే వచ్చాయని నగ్మా తెలిపారు.
Actress Nagma: కేవైసీ అప్డేట్ అంటూ ఫోన్ కాల్…
ఇలా వెంటనే ఓటీపీలు వచ్చిన తర్వాత తన అకౌంట్ నుంచి లక్ష రూపాయలు ట్రాన్స్ఫర్ అయ్యాయని ఈమె వెల్లడించారు.అయితే సెలబ్రిటీలు అన్న తర్వాత వారి అకౌంట్లో భారీ మొత్తంలో డబ్బు ఉంటుంది కానీ ఈమె అకౌంట్ నుంచి లక్ష రూపాయలు మాత్రమే ట్రాన్స్ఫర్ చేయడంతో కాస్త బాధలో కూడా ఊపిరి పీల్చుకున్నాను అని ఈమె తెలిపారు. ఇక వెంటనే తాను ముంబై పోలీసులను ఆశ్రయించి ఫిర్యాదు చేశానని తెలిపారు.
