Venu Swamy: వేణు స్వామి టాలీవుడ్ ఇండస్ట్రీలో సెలబ్రిటీల గురించి అలాగే రాజకీయ నాయకుల గురించి పెద్ద ఎత్తున జాతకాలు చెబుతూ వార్తల్లో నిలుస్తూ ఉంటారు ఇలా ఈయన చెప్పే జాతకాలపై ఇదివరకు ఎన్నోసార్లు విమర్శలు కూడా వచ్చాయి. ఇలా వేణు స్వామి చెబుతున్నటువంటి జాతకాలు కొంత నిజమైనప్పటికీ మరికొన్ని నిజం కాకపోవడంతో ఈయన పట్ల నేటిజన్స్ విమర్శలు చేస్తున్నారు.
ఇక కొత్త సంవత్సరంలోకి అడుగుపెట్టినటువంటి తరుణంలో వేణు స్వామి పలువురు సినీ సెలబ్రిటీల జాతకాలను తెలియజేశారు. ఇందులో భాగంగా టాలీవుడ్ ఇండస్ట్రీలో స్టార్ యాంకర్ గా గుర్తింపు సంపాదించుకున్నటువంటి ఒక యాంకర్ వ్యక్తిగత సమస్యలన్నీ కూడా బయటపడతాయని ఈయన తెలిపారు. ఆమె సమస్యలు విని అందరు షాక్ అవుతారని వెల్లడించారు.
ఇక ఇండస్ట్రీలో సూపర్ స్టార్ గా కొనసాగుతున్నటువంటి ఒక హీరో ఈ ఏడాది లేదా వచ్చే ఏడాది ఇండస్ట్రీకి గుడ్ బై చెప్పబోతున్నారని ఆయన అనారోగ్య సమస్యల కారణంగా నటించలేని పొజిషన్ కి వెళ్తారని అందుకే రిటైర్మెంట్ ప్రకటిస్తారంటూ కూడా వేణు స్వామి ఈ సందర్భంగా తెలిపారు.
ఆ ముఖ్యమంత్రికి పదవీ గండం…
ఇక ఈ ఇంటర్వ్యూలో ఈయన రాజకీయ నాయకుల గురించి కూడా తెలిపారు. తెలంగాణలో ముఖ్యమంత్రిగా ఉన్నటువంటి రేవంత్ రెడ్డికి పదవీగండం ఉందని ఆయన పదవి విషయంలో జాగ్రత్త పడాల్సిన అవసరం ఎంతైనా ఉందని తెలిపారు. ఇక ఆంధ్రప్రదేశ్లో మరోసారి కూడా జగన్మోహన్ రెడ్డి అధికారం అందుకుంటారని వేణు స్వామి తెలిపారు. తెలంగాణలో కొంతమంది మాజీ ఎమ్మెల్యేలు వ్యాపారవేత్తలు జైలుకు వెళ్లే అవకాశాలు కూడా ఉన్నాయి అంటూ ఈ సందర్భంగా ఈయన చేసినటువంటి కామెంట్లు వైరల్ అవుతున్నాయి.