Seniour Naresh: సినీ నటుడు సీనియర్ నరేష్ తాజాగా పుట్టపర్తి ఎస్.పి మాధవరెడ్డిని కలిసి తనకు ఆత్మరక్షణ కోసం లైసెన్స్ గన్ను కావాలని అభ్యర్థనలు తెలియజేశారు. ఈ మధ్యకాలంలో వరుస సినిమాలలో నటిస్తే ఎంతో బిజీగా ఉన్నటువంటి ఈయన హీరోగా మళ్లీ పెళ్లి అనే సినిమా ద్వారా ప్రేక్షకుల ముందుకు వచ్చారు. అయితే ఈ సినిమా తన జీవిత కథ ఆధారంగా ప్రేక్షకుల ముందుకు వచ్చింది.
థియేటర్లలో విడుదలైనటువంటి ఈ సినిమా పెద్దగా ప్రేక్షకాదరణ సంపాదించుకోలేకపోయింది కానీ డిజిటల్ మీడియాలో మాత్రం ఎంతో మంచి సక్సెస్ సాధించింది. ఇక ఈ సినిమా తరువాత నరేష్ పలు సినిమాలలో నటిస్తూ మంచి హిట్ అందుకున్నారు. అయితే తాజాగా ఈయన ఎస్పీని కలిసి లైసెన్స్ గన్ను కోసం అప్లై చేశారని తెలుస్తోంది.
ఈ ఏడాది ఫిబ్రవరి నెలలో కొందరు గుర్తు తెలియని వ్యక్తులు తన ఇంటిపై దాడి చేశారు. ఈ దాడిలో భాగంగా తన ఇంటి ముందు పార్క్ చేసినటువంటి వాహనాలు కూడా ధ్వంసమయ్యాయి. అయితే అదే సమయంలోనే పోలీసులకు ఫిర్యాదు చేసినటువంటి నరేష్ తాజాగా తన ప్రాణాలకు ప్రమాదం ఉందని ఆత్మరక్షణ కోసం తనకు గన్ను కావాలి అంటూ ఎస్పీని కలిశారు.
Seniour Naresh: ప్రాణహాని ఉందన్న నరేష్…
ఇకపోతే గత కొంతకాలంగా నరేష్ తన మూడవ భార్య రమ్య రఘుపతి మధ్య పెద్ద ఎత్తున వివాదం నడుస్తున్న సంగతి మనకు తెలిసిందే. ఈ క్రమంలోనే ఈ దాడి కూడా తానే చేయించి ఉంటారంటూ నరేష్ ఆరోపణలు చేశారు.ఇలా తన భార్య వల్ల తనకు ప్రాణహానే ఉందన్న ఉద్దేశంతోనే ఈయన ఆత్మ రక్షణ కోసం లైసెన్స్ గన్ను కావాలంటూ ఎస్పిని అభ్యర్థించారు.
సాధారణంగా పోలీసుల దగ్గర తుపాకులు ఉంటాయనే సంగతి మనందరికీ తెలిసిందే. పోలీసులు కాకుండా రాజకీయ, సినీ ప్రముఖులు లైసెన్స్ ఉన్న తుపాకీలను వినియోగిస్తూ ఉంటారు. అయితే తుపాకీలకు ఎవరు వినియోగించవచ్చు..? లైసెన్స్ ఉన్న తుపాకీనీ పొందాలంటే కావాల్సిన అర్హతలేంటి..? అనే విషయాల గురించి చాలామందికి అవగాహన ఉండదు. 1959 నాటి ఆయుధ చట్టం ప్రకారం మన దేశ పౌరులు లైసెన్స్ ఉన్న గన్ ను పొందవచ్చు.
నాన్ ప్రోహిబిటెడ్ బోర్ గన్స్ ను మాత్రమే కొనుగోలు చేయడానికి మన దేశ పౌరులకు అధికారం ఉంటుంది. ఎవరికైనా ప్రాణాలకు ఇతరుల నుంచి ముప్పు ఉంటే లైసెన్స్ ఉన్న గన్ ను పొందవచ్చు. అయితే లైసెన్స్ ఉన్న గన్ ను ఎట్టి పరిస్థితుల్లోను వ్యక్తిగత అవసరాల కోసం వినియోగించకూడదు. ఆత్మరక్షణ కోసం మాత్రమే లైసెన్స్ ఉన్న తుపాకీని వినియోగించవచ్చు. గన్ లైసెన్స్ పొందాలంటే మొదట ఆ వ్యక్తి ఎఫ్.ఐ.ఆర్ ను సమర్పించాలి.
ఎఫ్.ఐ.ఆర్ ను సమర్పించిన అనంతరం రాష్ట్ర పోలీసు జిల్లా సూపరింటెండెంట్ కు గన్ కోసం దరఖాస్తు ఇవ్వాల్సి ఉంటుంది. ఆ తరువాత పోలీసులు గన్ కోసం దరఖాస్తు చేసుకున్న వ్యక్తికి సంబంధించిన కేసులు, చిరునామా, శారీరక, మానసిక స్థితి గురించి విచారణ చేపడతారు. ఆ తరువాత దరఖాస్తు చేసుకున్న వ్యక్తిని డీసీపీ విచారించి దరఖాస్తు చేసుకున్న వ్యక్తి అర్హుడని తేలితే తుపాకీ లైసెస్న్ ను ఇస్తారు.
ఆ తరువాత తుపాకీ డీలర్ ను సంప్రదించి లైసెన్స్ పొందిన దుకాణం నుండి తుపాకీని ఆర్డర్ చేసుకోవాల్సి ఉంటుంది. ఆర్డర్ చేసుకున్న 60 రోజుల తరువాత దరఖాస్తు చేసుకున్న వ్యక్తికి తుపాకీ లభిస్తుంది. ఆ తరువాత లైసెన్స్ రెన్యూవల్ సమయంలో తుపాకీ ఉంటే మాత్రమే రెన్యూవల్ చేసుకునే అవకాశం ఉంటుంది.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net