తెలుగు సినిమా ఇండస్ట్రీలో ఒకప్పుడు ఎన్నో అద్భుతమైన సినిమాల్లో నటించి స్టార్ హీరోగా కొనసాగిన హీరో సుమన్ గురించి ప్రత్యేకంగా చెప్పాల్సిన పనిలేదు. అప్పట్లో మెగాస్టార్ చిరంజీవికి గట్టిపోటీగా నిలబడి, ఎన్నో విజయవంతమైన సినిమాల్లో నటించారు. అయితే స్టార్ హీరోగా కొనసాగుతున్న ఈ క్రమంలో సుమన్ అనుకోని కారణాలవల్ల జైలుపాలు కావడంతో అతనికి పెద్దగా సినిమా అవకాశాలు రావడమే కాకుండా నటించిన సినిమాలు కూడా పెద్దగా ప్రేక్షకులను ఆకట్టుకోలేకపోయాయి.
ఇకపోతే స్టార్ హీరో హీరోయిన్ల పిల్లలు ఎంతోమంది ఇండస్ట్రీలోకి అడుగు పెట్టి మంచి గుర్తింపును సంపాదించుకున్నారు. కానీ సుమన్ కూతురు మాత్రం సినిమా రంగం వైపు అడుగుపెట్టలేదు. అందుకు గల కారణం ఆమెకు చదువు పై ఉన్న ఇష్టం అని చెప్పవచ్చు. సుమన్ కూతురు అఖిలజ ప్రత్యూక్ష. ఈమె చూడటానికి ఎంతో అందంగా ఉండటమే కాకుండా, భరతనాట్యం అంటే ఎంతో ఇష్టం ఉండడం చేత పలు స్టేజ్ షోలలో నాట్యప్రదర్శన కూడా చేసింది.
ఈమెను సినిమాలలోకి రావాలని ఎంతోమంది ప్రొడ్యూసర్లు నిర్మాతలు అడిగినప్పటికీ ఈమె చదువుపై ఉన్న ఆసక్తితో ఇండస్ట్రీకి దూరమయ్యారు.అదే విధంగా తనకు ఇష్టంలేని చోటకు రమ్మని చెప్పడం సుమన్ కి ఇష్టంలేక చదువు వైపు ప్రోత్సహించారు. ఈక్రమంలోనే ఎమ్మెస్సీ హ్యూమన్ జెనెటిక్స్ లో మణిపాల్ యూనివర్సిటీ నుంచి గోల్డ్ మెడల్ అందుకుంది.
ఈ విధంగా చదువుపై ఆమెకు ఉన్న ఆసక్తితో తనకిష్టమైన భరతనాట్యం కూడా పక్కన పెట్టి పై చదువులను కొనసాగించడం కారణంగా సుమన్ కూతురు ఇండస్ట్రీకి దూరమయ్యారని ఓ ఇంటర్వ్యూ సందర్భంలో సుమన్ తెలియజేశారు.