Keerthi Suresh: నేను శైలజ సినిమా ద్వారా టాలీవుడ్ ఇండస్ట్రీలో హీరోయిన్ గా అడుగుపెట్టిన కీర్తి సురేష్ గురించి ప్రత్యేకంగా పరిచయం చేయాల్సిన అవసరం లేదు. తను నటించిన మొదటి సినిమా మంచి హిట్ అవ్వటంతో తెలుగు, తమిళ భాషలలో వరుస సినిమాలలో నటించే అవకాశాలు అందుకొని తన అందం అభినయంతో ప్రేక్షకులను ఆకట్టుకుంటూ స్టార్ హీరోయిన్గా గుర్తింపు పొందింది .

మహానటి సినిమా ద్వారా కీర్తి సురేష్ మరింత పాపులర్ అయింది. ప్రస్తుతం సౌత్ సినిమాలలో మాత్రమే కాకుండా బాలీవుడ్ సినిమాలలో కూడా నటిస్తూ బిజీగా ఉంది. ఇదిలా ఉండగా గత కొంతకాలంగా కీర్తి సురేష్ పెళ్లి వార్తలు సోషల్ మీడియాలో హల్చల్ చేస్తున్నాయి. కీర్తి సురేష్ తన తల్లిదండ్రుల కోరిక మేరకు తొందర్లోనే పెళ్లి పీటలు ఎక్కనున్నట్లు కొంతకాలంగా వార్తలు వినిపిస్తున్నాయి.

ఇప్పటివరకు ఈ వార్తలపై కీర్తి సురేష్ స్పందించకపోవడంతో ఈ వార్తలలో నిజం ఉందని అందరూ భావించారు. అయితే తాజాగా ఒక ఇంటర్వ్యూలో పాల్గొన్న కీర్తి సురేష్ తన పెళ్లి వార్తలపై స్పందిస్తూ అభిమానులకు క్లారిటీ ఇచ్చింది. ఈ ఇంటర్వ్యూలో కీర్తి సురేష్ మాట్లాడుతూ…. తన కుటుంబ సభ్యులు తనని పెళ్లి చేసుకోమని ఒత్తిడి చేస్తున్నట్లు వెల్లడించింది. అయితే కెరీర్ మంచి ఫామ్ లో ఉన్న సమయంలో పెళ్లి చేసుకోవడం తనకు ఇష్టం లేదని ఇంకా మంచి మంచి సినిమాలలో నటించాలని ఉన్నట్లు ఆమె వెల్లడించింది.

Keerthi Suresh: తన అభిప్రాయాన్ని గౌరవించిన తల్లిదండ్రులు…

ఇదే విషయాన్ని ఆమె తన తల్లిదండ్రులకు వివరించడంతో వారు కూడా ఆమె అభిప్రాయాలను గౌరవిస్తూ.. తాను సినిమాలలో నటించటానికి అంగీకరించినట్లు కీర్తి సురేష్ వెల్లడించింది. ఇలా ఈ ఇంటర్వ్యూ ద్వారా తాను ఇప్పట్లో పెళ్లి చేసుకోవడం లేదని తన అభిమానులకు క్లారిటీ ఇచ్చింది. ఈ విషయం తెలిసిన కీర్తి సురేష్ అభిమానులు ఆనందం వ్యక్తం చేస్తున్నారు. ఇటీవల మహేష్ బాబుకి జంటగా సర్కారు వారి పాట సినిమాలో నటించిన హిట్ అందుకున్న కీర్తి సురేష్ ప్రస్తుతం నానితో కలిసి దసరా సినిమా షూటింగ్ పనులతో బిజీగా ఉంది. ఈ సినిమా వచ్చే ఏడాది ప్రేక్షకుల ముందుకి రానుంది.