Amala Paul: నటి అమలాపాల్ పరిచయం అవసరం లేని పేరు కోలీవుడ్ ఇండస్ట్రీతో పాటు టాలీవుడ్ ఇండస్ట్రీలో కూడా పలు సినిమాలలో నటించి మంచి గుర్తింపు పొందారు.ఇకపోతే ఈమె కోలీవుడ్ డైరెక్టర్ ను వివాహం చేసుకున్న కొన్ని నెలలకే విడాకులు తీసుకొని విడిపోయారు. ఇక విడాకులు తర్వాత పలు సినిమాలలో నటించడమే కాకుండా నిర్మాతగా కూడా మారారు.

నటి అమలాపాల్ బవెందర్ సింగ్ అనే తన స్నేహితుడితో కలిసి ఓ నిర్మాణ సంస్థను స్థాపించారు. అయితే వీరిద్దరి మధ్య మనస్పర్ధలు రావడం చేత బవెందర్ సింగ్ తనని లైంగిక ఆరోపణలకు గురి చేస్తున్నారంటూ ఈమె పోలీసులకు ఫిర్యాదు చేసిన విషయం మనకు తెలిసిందే. అయితే ఈ కేసు దర్యాప్తులో భాగంగా కొన్ని ఆసక్తికరమైన విషయాలు బయటపడ్డాయి.

నటి ఫిర్యాదు మేరకు పోలీసులు బవెందర్ సింగ్ ను అదుపులోకి తీసుకున్నారు. ఈ క్రమంలోనే ఆయన బెయిల్ నిమిత్తం తిరువల్లూరు కోర్టులో పిటిషన్ దాఖలు చేశారు.అందులో తాను నటి అమలాపాల్ ను ఏ విధమైనటువంటి లైంగిక వేధింపులకు గురి చేయలేదని పేర్కొనడమే కాకుండా తామిద్దరం 2019లోనే వివాహం చేసుకున్నామని ఆయన అందుకు సంబంధించిన ఫోటోలను ఆధారాలతో సహా కోర్టుకు సమర్పించారు.

Amala Paul: స్పందించని అమలాపాల్…

ఈ క్రమంలోనే వీరి పెళ్లి ఫోటోలను ఇతర ఆధారాలను పరిశీలించిన కోర్టు బవెందర్ సింగ్ కి బెయిల్ మంజూరు చేసింది.ఇలా ఈయనకు బెయిల్ మంజూరు కావడంతో నటి అమలాపాల్ ఐదేళ్ల క్రితం రెండవ వివాహం చేస్తుందని రుజువయింది. ప్రస్తుతం ఈమె పెళ్లికి సంబంధించిన ఫోటోలు సోషల్ మీడియాలో వైరల్ అవుతున్నాయి. మరి ఈ విషయంపై అమలాపాల్ ఏ విధంగాను స్పందించలేదు. ఈమె ఈ విషయంపై ఎలా రియాక్ట్ అవుతారో తెలియాల్సి ఉంది.