Mirchi Movie: ప్రభాస్ అనుష్క ఈ జోడి అంటే ఇష్టపడని అభిమానులు ఉండరు. ఈ జోడికి విపరీతమైన ఫ్యాన్ ఫాలోయింగ్ ఉంది. వీరిద్దరూ కలిసి మొదట బిల్లా సినిమాలో సందడి చేశారు అనంతరం వీరిద్దరు జోడిగా నటించిన మిర్చి సినిమా బాక్స్ ఆఫీస్ వద్ద ఎలాంటి సెన్సేషన్ క్రియేట్ చేసిందో మనకు తెలిసిందే.
కొరటాల శివ దర్శకత్వంలో వచ్చిన ఈ సినిమా విడుదలయి దాదాపు పది సంవత్సరాలు అయినప్పటికీ ఈ సినిమా అంటే ఇప్పటికీ ఎంతో ఇష్టంగా చూసే అభిమానులు ఉన్నారు.ఇక ఈ సినిమాలో ప్రభాస్ అనుష్క కెమిస్ట్రీ చాలా అద్భుతంగా ఉందని ఈ సినిమా తరువాతే వీరిద్దరి గురించి రూమర్లు కూడా అధికమయ్యాయని చెప్పాలి.
ఇక ఈ సినిమాలో అందరికీ గుర్తుండిపోయే సన్నివేశాలలో ప్రభాస్ ను అనుష్క పైకి ఎత్తే సన్నివేశం ఈ సీన్ అందరిని ఎంతగానో ఆశ్చర్యానికి గురి చేసింది. ఇప్పటికి అసలు అనుష్క ప్రభాస్ ను ఇంత పైకి ఎలా ఎత్తిందనే సందేహం రాకమానదు. సాధారణంగా ఏదైనా చెట్టుపై పళ్ళు తెంపుకోవాలంటే హీరోయిన్ ను హీరో పైకి ఎత్తడం సర్వసాధారణం కానీ ఈ సినిమాలో భిన్నంగా అనుష్క ఏకంగా ప్రభాస్ ను పైకి ఎత్తింది.
Mirchi Movie: స్టూల్ సహాయంతో ప్రభాస్ ను పైకి ఎత్తిన అనుష్క…
ప్రభాస్ లాంటి కటౌట్ ఉన్న హీరోని ఎత్తడం అంటే సామాన్యమైన విషయం కాదు. మరి అనుష్క ఎలా ఎత్తిందనే విషయాన్ని ఈమె ఒక ఇంటర్వ్యూ సందర్భంగా తెలిపారు. ఈ సన్నివేశంలో నటించడం కోసం ప్రభాస్ ఒక స్టూల్ పై నిలబడి ఉండగా అనుష్క ప్రభాస్ ని ఎత్తే సమయంలో కింద స్టూల్ తీసేసారని అలా తనని పైకి ఎంతో అవలీలగా ఎత్తగలిగాను అంటూ ఈ సందర్భంగా అనుష్క తెలిపారు. అయితే ఈ సన్నివేశం సమయంలో తాను ప్రభాస్ ను ఎత్తేసరికి చిత్ర బృందం మొత్తం ఒక్కసారిగా షాక్ అయ్యారని అనుష్క తెలిపారు.
