Anasuya: బుల్లితెర గ్లామరస్ యాంకర్ గా గుర్తింపు పొందిన అనసూయ భరద్వాజ్ గురించి ప్రత్యేకంగా పరిచయం చేయాల్సిన అవసరం లేదు. జబర్దస్త్ కామెడీ షో ద్వారా యాంకర్ గా తన కెరీర్ ప్రారంభించిన అనసూయ జబర్దస్త్ షోలో యాంకరింగ్ తో పాటు తన అందాలతో ప్రేక్షకులను బాగా ఆకట్టుకుంది. ఇలా ఛానల్ తో సంబంధం లేకుండా బుల్లితెర మీద ప్రసారమవుతున్న అనేక టీవీ షోలలో యాంకర్ గా వ్యవహరిస్తూ మంచి గుర్తింపు పొందిన అనసూయ సినిమాలలో నటించే అవకాశాలు కూడా అందుకుంది.

టీవీ షోలో ఎంతో ఆ గ్లామరస్ గా కనిపించే అనసూయ సినిమాలలో మాత్రం చాలా వైవిధ్యమైన పాత్రలలో నటిస్తూ నటిగా మంచి గుర్తింపు పొందింది. ఇలా వరుస టీవీ షోలు, సినిమాలతో బిజీగా ఉండే అనసూయ సోషల్ మీడియాలో కూడా చాలా యాక్టివ్ గా ఉంటుంది. సోషల్ మీడియాలో అనసూయ షేర్ చేసే పోస్ట్ నిమిషాలలో వైరల్ గా మారుతుంది. అంతేకాకుండా కొన్ని సందర్భాలలో అనసూయ చేసే వ్యాఖ్యలకు విమర్శలు కూడా ఎదుర్కొంటుంది.

ఇదిలా ఉండగా సినిమా అవకాశాలు ఎక్కువగా రావడంతో కొంతకాలం క్రితం అనసూయ జబర్దస్త్ కి దూరం అయింది. ప్రస్తుతం అనసూయ సినిమాలు, వెబ్ సిరీస్ లలో నటిస్తూ బిజీగా ఉంటుంది. ఎప్పుడు సోషల్ మీడియాలో యాక్టివ్ గా ఉండే అనసూయ తాజాగా సోషల్ మీడియాలో తన అభిమానులతో ముచ్చటించి ఎన్నో ఆసక్తికర విషయాలను వెల్లడించింది.

ఈ క్రమంలో అభిమానులు అడిగిన ప్రశ్నలకు ఎంతో ఓపికగా సమాధానాలు చెప్పింది. ఈ క్రమంలో టీవీ షోలలో మళ్లీ ఎప్పుడు కనిపిస్తారు అని ఒక అభిమాని అడిగిన ప్రశ్నకు అనసూయ సమాధానం చెబుతూ.. కావాలని టీవీ షోలకు బ్రేక్ తీసుకున్నా.. ఏదైనా మంచి కంటెంట్ ఉన్న షో ఆఫర్ వచ్చినప్పుడు కచ్చితంగా స్మాల్ స్క్రీన్ మీద రీ ఎంట్రీ ఇస్తా అంటూ చెప్పుకొచ్చింది.

Anasuya: నా జీవితంలో జబర్దస్త్ కు ప్రత్యేక స్థానం ఉంది…

అలాగే మీరు జబర్దస్త్ ని మిస్ అవుతున్నారా? అని మరొక అభిమాని అడిగిన ప్రశ్నకు అనసూయ సమాధానం చెబుతూ.. అవును జబర్దస్త్ ని చాలా మిస్ అవుతున్నా. నా జీవితంలో జబర్దస్త్ కి ఎప్పుడు ఒక స్పెషల్ స్థానం ఉంటుంది. కొన్ని సందర్భాలలో మనం కోరుకున్న చోటులో ఉండలేకపోవచ్చు. అలాగే జీవితంలో రిస్క్ తో కూడుకున్న నిర్ణయాలు తీసుకోకతప్పదు అంటూ సమాధానం చెప్పింది. జబర్దస్త్ గురించి అనసూయ చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.