Hero Nithin: జయం సినిమాతో టాలీవుడ్ ఇండస్ట్రీకి పరిచయమయ్యారు యంగ్ అండ్ ఎనర్జిటిక్ హీరో నితిన్.తేజ దర్శకత్వంలో వచ్చిన ఈ సినిమాలో సదా సరసన నటించిన నితిన్ మొదటి సినిమాతోనే బ్లాక్ బాస్టర్ కొట్టడంతో ఈయనకు వరుస అవకాశాలు వచ్చాయి.ఇలా జయం సినిమాతో మంచి హిట్ అందుకున్న నితిన్ ప్రస్తుతం ఇండస్ట్రీలో వరుస సినిమాలు చేస్తూ ఎంతో బిజీగా ఉన్నారు.

ఇకపోతే మొదటి సారి తేజ దర్శకత్వంలో నటించిన నితిన్ కు దర్శకుడు తేజ నుంచి చేదు అనుభవాన్ని కూడా ఎదుర్కొన్నట్లు తెలుస్తోంది. తేజ తన పని పట్ల ఎంత నిబద్ధతగా పనిచేస్తారో మనకు తెలిసిందే.తనకు కరెక్ట్ గా అనిపించే ఎక్స్ప్రెషన్స్ రాకపోయినా ఆ సన్నివేశం సరిగా రాకపోయినా ఏకంగా సెలబ్రిటీలపై ఈయన చేయి చేసుకున్న సందర్భాలు కూడా ఉన్నాయి.

ఈ క్రమంలోనే జయం సినిమా సమయంలో నితిన్ ఒక ఎక్స్ప్రెషన్స్ సరిగా పెట్టకపోవడంతో ఈయన ఎక్కువ టేకులు తీసుకున్నారట.ఇలా ఎక్కువ టేకులు తీసుకున్నప్పటికీ సరైన ఎక్స్ప్రెషన్ రాకపోవడంతో దద్దమ్మ ఇది చేయడం కూడా రాదా నీకు అంటూ అందరి ముందే తేజ తనని అవమానించారని తెలుస్తోంది. ఈ విధంగా నితిన్ ను అందరి ముందు తేజ అలా తిట్టడంతో అక్కడే ఉన్నటువంటి గోపీచంద్ సదా షాక్ అయ్యారట.

Hero Nithin: ఇప్పటికే ఆ మాటలు గుర్తుకు వస్తాయి…

ఇలా తేజ నితిన్ తిట్టడంతో చివరికి ఈయన తన ఎక్స్ప్రెషన్స్ సరిగ్గా ఇవ్వడంతో షాట్ ఓకే అయ్యిందని తెలిపారు. ఇకపోతే ఇప్పటికీ ఈ సినిమాని నితిన్ టీవీలో చూసినప్పటికీ ఆ సన్నివేశం రాగానే ఈయనకు దర్శకుడు తేజ తిట్టిన మాటలు గుర్తుకు వస్తాయని ఓ సందర్భంలో నితిన్ వెల్లడించారు.