Naresh -Pavitra Lokesh: సూపర్ స్టార్ కృష్ణ అనారోగ్య సమస్యలతో మరణించడంతో ఎంతోమంది సినీ సెలెబ్రిటీలు ఆయన నివాసానికి చేరుకొని ఆయనకు నివాళులు అర్పిస్తున్నారు.ఇకపోతే సూపర్ స్టార్ కృష్ణ నేడు ఉదయం 4 గంటల సమయంలో కాంటినెంటల్ హాస్పిటల్ లో చికిత్స తీసుకుంటూ మరణించారు. ఈయనకు తీవ్రమైన గుండెపోటు రావడంతో మహేష్ బాబు భార్య నమ్రత కాంటినెంటల్ హాస్పిటల్ కి తీసుకువెళ్లారు.

ఇలా ఆరోగ్య పరిస్థితి విషమించడంతో వెంటి లెటర్ పై చికిత్స అందించామని కాంటినెంటల్ హాస్పిటల్ సిబ్బంది పేర్కొన్నారు.కేవలం గుండెపోటు మాత్రమే కాకుండా మల్టిపుల్ ఆర్గాన్స్ దెబ్బ తినడం అలాగే బ్రెయిన్ డామేజ్ కూడా ఉండడంతో క్షణక్షణానికి ఈయన ఆరోగ్య పరిస్థితి విషమించి మృతి చెందారని కాంటినెంటల్ వైద్యులు మీడియా సమావేశంలో వెల్లడించారు.

ఇక కృష్ణ ఆరోగ్య పరిస్థితి విషమించిందని తెలియగానే ఆయన కుటుంబ సభ్యులు ఒక్కొక్కరిగా హాస్పిటల్ చేరుకున్నారు. ఈయన హాస్పిటల్లో అడ్మిట్ అయిన వెంటనే కృష్ణ కుమార్తెలు అల్లుళ్ళు మనవాళ్ళు మనవరాలు అందరూ కూడా కాంటినెంటల్ హాస్పిటల్ కి చేరుకున్నారు. ఇక నటుడు నరేష్ సైతం కాంటినెంటల్ హాస్పిటల్ కి వెళ్లారు.ఇక ఈయన మరణ వార్త తెలియగానే నరేష్ నటి పవిత్ర లోకేష్ తో కలిసి హాస్పిటల్ కి వెళ్లడం గమనార్హం.

Naresh -Pavitra Lokesh: కృష్ణ ఇంటికి చేరుకుంటున్న సినీ సెలబ్రిటీలు..

ప్రస్తుతం ఇందుకు సంబంధించిన ఫోటోలు వీడియోలు సోషల్ మీడియాలో వైరల్ అవుతున్నాయి. ఇక హాస్పిటల్ లో నేడు తెల్లవారుజామున మరణించిన కృష్ణ పార్థివ దేహాన్ని కుటుంబ సభ్యులకు అప్పగించారు. ప్రస్తుతం కృష్ణ పార్థివదేహాన్ని ఆయన నివాసం వద్ద ఉంచారు. ఈ క్రమంలోనే ఎంతో మంది సెలబ్రిటీలు ఆయనను చివరిసారి చూడటం కోసం ఆయన నివాసానికి చేరుకుంటున్నారు.