Prabhas: పాన్ ఇండియా స్టార్ హీరో ప్రభాస్ తాజాగా సలార్ సినిమా ద్వారా ప్రేక్షకుల ముందుకు వచ్చారు. ఈ సినిమా ఎంతో మంచి సక్సెస్ అందుకున్న సంగతి మనకు తెలిసిందే. ఇక ఈ సినిమాలో ప్రభాస్ తో పాటు మరొక స్టార్ హీరో అయినటువంటి పృథ్వీ రాజ్ సుకుమారన్ కూడా నటించారు. సాధారణంగా ఒక స్టార్ హీరో సినిమాలలో నటిస్తున్నారు అంటే ఆయన రేంజ్ అనుగుణంగానే సన్నివేశాలు ఉండాలని భావిస్తూ ఉంటారు.

ఆ హీరో రేంజ్ కు అనుగుణంగా ఏమాత్రం తక్కువ స్థాయి సన్నివేశాలు పెడితే కనుక అభిమానులు ఊరుకోరు అలాగే సెలబ్రిటీలు కూడా అలాంటి సన్నివేశాలలో నటించడానికి ఒప్పుకోరు. కానీ ప్రభాస్ మాత్రం ఈ సినిమాలో చాలా సన్నివేశాలలో తన స్థాయి తగ్గించుకొని మరి నటించారని తెలుస్తోంది. తనకంటే స్టార్ హీరో కాకపోయినా పృథ్వీరాజ్ నటనకు కొన్ని చోట్ల డైరెక్టర్ ఈయన చేత చప్పట్లు కొట్టించారు విజిల్స్ కూడా వేయించారు.

కాళ్లు పట్టుకోవడం గ్రేట్..

ఈ సినిమాలో మరొక సన్నివేషంలో మరొక నటుడు కాళ్లపై పడి ప్రభాస్ నటిస్తారు ఆ సీన్లో చేయడానికి ప్రభాస్ కాకుండా వేరే హీరో ఎవరైనా ఉంటే సన్నివేశంలో నటిస్తారా అన్న సందేహాలు కూడా అందరికీ కలగక మానదు. అంతేకాకుండా పాన్ ఇండియా స్టార్ డం ఉన్నటువంటి ఒక మాస్ హీరో కి ఫస్ట్ హాఫ్ మొత్తం పట్టుమని పది డైలాగులు కూడా లేవు ప్రభాస్ కనక ఇలాంటి సినిమాలో నటించారని వేరే హీరో అయితే ఇలాంటి సినిమాలలో నటించరని ఇలాంటి సీన్స్ చేసే విషయంలో ప్రభాస్ నిజంగా గ్రేట్ అంటూ ఈ సందర్భంగా పలువురు ప్రభాస్ నటన పై ప్రశంసలు కురిపిస్తున్నారు.