Meghana Raj: కన్నడ సినీ నటుడు చిరంజీవి సర్జా ఇండస్ట్రీలోకి అడుగుపెట్టిన అనంతరం ఇండస్ట్రీలో వరుస సినిమాలలో నటిస్తూ అగ్ర హీరోగా పేరు ప్రఖ్యాతలు సంపాదించుకున్నారు. ఇలా అగ్ర హీరోగా కొనసాగుతున్న సమయంలో ఈయన నటి మేఘన రాజ్ అనే అమ్మాయిని 2018న వివాహం చేసుకున్నారు. ఎంతో అన్యోన్యంగా సాగిపోతున్న వీరి జీవితంలోకి ఊహించని విషాదం చోటుచేసుకుంది.
2020 జూన్ 7వ తేదీ చిరంజీవి సర్జ గుండెపోటుతో మరణించడం అందరిని ఒక్కసారిగా శోక సంద్రంలోకి నెట్టి వేసింది. ఇదిలా ఉండగా చిరంజీవి సర్జ మృతి చెందే సమయానికి మేఘన గర్భవతి కావడం విశేషం.అయితే తన భర్త మరణించిన అనంతరం తన భర్త ప్రతిరూపాన్ని కడుపులో మోస్తూ తానే ప్రాణంగా బ్రతికిన మేఘన ఇప్పుడిప్పుడే తన భర్త జ్ఞాపకాల నుంచి బయటపడుతూ కొడుకు ఆలనా పాలనా చూసుకుంటూ తిరిగి ఇండస్ట్రీలోకి రీ ఎంట్రీ ఇచ్చారు.
ఈ విధంగా ఈమె పలు సినిమాలలో నటిస్తూనే కొన్ని బుల్లితెర కార్యక్రమాలకు న్యాయ నిర్ణేతగా వ్యవహరిస్తున్నారు.ఈ విధంగా మేఘన తన సెకండ్ ఇన్నింగ్స్ ప్రారంభించిన సమయంలో ఈమె రెండో పెళ్లి చేసుకోబోతోంది అంటూ పెద్ద ఎత్తున తన పెళ్లి గురించి వార్తలు చక్కర్లు కొట్టాయి. అయితే తాను ఎలాంటి పెళ్లి చేసుకోలేదని ఈ సందర్భంగా ఈమె క్లారిటీ ఇచ్చారు.
Meghana Raj: మణికట్టుపై టాటూతో క్లారిటీ ఇచ్చిన నటి..
మేఘన రాజ్ సోషల్ మీడియా వేదికగా తన భర్త పేరుతో పాటు తన కుమారుడి పేరు వచ్చేలా టాటూ వేయించుకున్నారు.ఇలా మణికట్టుపై తన కొడుకు భర్త పేరును టాటూగా వేయించుకున్న ఈమె ఆ ఫోటోని సోషల్ మీడియాలో షేర్ చేస్తూ ఫరెవర్ అంటూ లవ్ సింబల్ తో ఈ ఫోటోని షేర్ చేశారు. ఇలా ఎప్పటికీ వారు తన గుండెల్లో నిలిచిపోతారంటూ ఈ సందర్భంగా ఈమె చేసిన ఈ పోస్ట్ తో తాను రెండో పెళ్లి చేసుకోలేదంటూ క్లారిటీ ఇచ్చారు. ప్రస్తుతం ఈ పోస్ట్ వైరల్ అవుతుంది.