Mahesh Babu: సాధారణంగా సినిమాలలో హీరోల పాత్రలు ఎంతో ఉదార స్వభావంగా ఉంటాయి. సినిమాలలో వీరి పాత్రలు కష్టాల్లో ఉన్న వారిని చూసి చలించిపోతూ వారికి సహాయం చేసే విధంగా వీరి పాత్రలను సృష్టిస్తారు. అయితే సినిమాలలో మాత్రమే కాకుండా నిజజీవితంలో కూడా ఎంతో మంది రియల్ హీరోలుగా వ్యవహరిస్తున్నారు. అలాంటి వారిలో సూపర్ స్టార్ మహేష్ బాబు ఒకరని చెప్పవచ్చు.

మహేష్ బాబు సినిమాలు మాత్రమే కాకుండా ఎన్నో బ్రాండ్లకు అంబాసిడర్ గా వ్యవహరిస్తూ, ఎన్నో రకాల బిజినెస్ ల ద్వారా పెద్దమొత్తంలో డబ్బు సంపాదిస్తున్నారు. అయితే ఈయన సంపాదించిన మొత్తంలో కొంత భాగాన్ని ఇతరులకు సహాయం చేయడం కోసం ఉపయోగిస్తున్నారు. ఈ క్రమంలోనే శ్రీమంతుడు సినిమా తర్వాత మహేష్ బాబు ఒక గ్రామాన్ని దత్తత తీసుకున్న సంగతి తెలిసిందే. తాజాగా మహేష్ బాబు ఒక చిన్నారి ప్రాణాలను కాపాడినట్లు తెలుస్తోంది.

వారికి ప్రత్యేక ధన్యవాదాలు..

జాంబవంతుల శిరీష అనే మహిళ నెలరోజుల క్రితం ఒక పండంటి బిడ్డకు జన్మనిచ్చింది. అయితే ఆ బిడ్డకు గుండె సమస్య ఉండడంతో ఆ బిడ్డకు సర్జరీ చేయాలంటే అధిక మొత్తంలో డబ్బు ఖర్చవుతుంది ఈ క్రమంలోనే ఈ విషయం మహేష్ బాబుకి తెలియజేయడంతో ఈ హీరో ఆ బిడ్డపట్ల చొరవ తీసుకుని ఆంధ్ర హాస్పిటల్ యాజమాన్యంతో సంప్రదించి ఆ బిడ్డకు పూర్తి చికిత్సను అందించారు.ప్రస్తుతం చిన్నారి పరిస్థితి నిలకడగా ఉండడంతో తనని హాస్పిటల్ నుంచి డిశ్చార్జి చేశారని ఈ విషయాన్ని సోషల్ మీడియా వేదికగా తెలిపారు. ఇప్పటివరకు మహేష్ బాబు 1050 మంది పిల్లల ప్రాణాలను కాపాడినట్లు తెలిపారు. ఈ క్రమంలోనే నమ్రత ఆంధ్ర హాస్పిటల్ వైద్య సిబ్బందికి ప్రత్యేక ధన్యవాదాలు తెలిపారు. మహేష్ బాబు ప్రస్తుతం కరోనా బారిన పడిన సంగతి మనకు తెలిసిందే.తన కరోనా బారిన పడినప్పటికీ ఓ చిన్నారి ప్రాణాలను నిలబెట్టడం తో ఆయన అభిమానులు ఎంతో సంతోషం వ్యక్తం చేస్తున్నారు.