Big Boss: తెలుగు ప్రేక్షకుల్లో మంచి పాపులారిటీని సంపాదించిన రియాల్టీ షోలలో బిగ్ బాస్ కూడా ఒకటి. ఇప్పటి వరకు ప్రసారమైన ఐదు సీజన్లు ఎంతో అద్భుతంగా తెలుగు ప్రేక్షకులను అలరించగా.. ఆరో సీజన్ కూడా అదే రీతిలో అలరిస్తుందని అంతా అనుకున్నారు. కానీ బిగ్ బాస్ తాజా సీజన్ పెద్దగా తెలుగు ప్రేక్షకులకు ఇంట్రస్టింగ్ గా అనిపించడం లేదు.

బిగ్ బాస్ సీజన్ 6కు ఆదరణ చాలా తక్కువ ఉందనే విషయాన్ని టీఆర్పీలు కూడా నిరూపించాయి. గత సీజన్ తో పోలిస్తే ఈసారి బిగ్ బాస్ అతి తక్కువ టీఆర్పీ రేటింగ్ ని నమోదు చేసుకోవడం.. అందరికీ నిరాశను గురి చేస్తోంది. అయితే దీనికి కారణం బిగ్ బాస్ ఇచ్చే టాస్కులు, బిగ్ బాస్ హౌజ్ లోని కంటెస్టెంట్లు ఆడుతున్న గేం.

కంటెస్టెంట్లు ఏదో బిగ్ బాస్ హౌజ్ లో కాలం వెళ్లదీస్తున్నారు తప్పితే పెద్దగా ఆడటం లేదనేది జనాల టాక్. ఇలాంటి కంటెస్టెంట్ల జాబితాలో పింకీ అలియాస్ సుదీప కూడా ఒకరు. సినిమాలు చేసిన అనుభవం, తెలుగు ప్రేక్షకులకు తెలిసిన వ్యక్తి అవడంతో.. అందరూ సుదీప బిగ్ బాస్ లో అదరగొట్టాలని, బాగా ఆడుతుందని ఆశించారు.

Big Boss:

కానీ సుదీప మాత్రం బిగ్ బాస్ లో ఏమాత్రం తన ఆటతీరును ప్రదర్శించలేదు. చూస్తున్న జనాలకు కూడా సుదీప ఆటతీరు పెద్దగా ఆకట్టుకోకపోవడంతో.. ఆమెను బయటకు పంపించేయండి అంటూ డిమాండ్ చేశారు. నిజానికి గత రెండు మూడు వారాల క్రితమే సుదీప బిగ్ బాస్ నుండి బయటకు పోవాల్సి ఉండగా.. తాజా ఎలిమినేషన్ లో ఆమె బయటకు వెళ్లిందని టాక్. ఆమె ఆటతీరు బాగోలేకపోతే ఎవరు మాత్రం ఏమీ చేయలేరంటూ నెటిజన్లు.. సుదీప ఎలిమినేషన్ మీద కామెంట్లు పెడుతున్నారు.