యంగ్ రెబల్ స్టార్ ప్రభాస్ అభిమానులు ఎప్పుడెప్పుడా అని ఎదురుచూస్తున్న రోజు రాబోతోంది. బాహుబలి తర్వాత ‘సాహో’ సినిమాతో ప్రభాస్ కాస్త నిరాశకు గురయ్యాడు. ఆ నిరాశను సినిమాతో పూడ్చుకోవాలని రాధేశ్యామ్ ప్లాన్ చేశాడు ప్రభాస్. ఈ మేరకు జిల్ ఫేమ్ రాధాకృష్ణ దర్శకత్వంలో తెరకెక్కుతున్న భారీ సినిమాలో భాగమై ఎప్పటికప్పుడు లేటెస్ట్ అప్ డేట్స్ తో అభిమానుల్లో జోష్ నింపుతున్నాడు.

ఈ నేపథ్యంలో తాజాగా సీనియర్ నటుడు కృష్ణంరాజు తన లుక్‌ని రివీల్ చేసి సినిమాపై ఉన్న అంచనాలకు రెక్కలు వచ్చేలా చేశాడు. రెబల్ స్టార్ కృష్ణంరాజు మహాజ్ఞాని పరమహంస పాత్రలో రాధేశ్యామ్ చిత్రంలో కనిపించబోతున్నారు. ఈ పోస్టర్‌లో కృష్ణంరాజు గుబురు గడ్డంతో కనిపిస్తున్నాడు.

ఈ పాత్ర కోసం ఏడాది పాటు గడ్డం పెంచాడు కృష్ణంరాజు. పాత్రకు సరిగ్గా సరిపోతుందని అనిపించిన అతని లుక్ విడుదలైన కొద్దిసేపటికే సోషల్ మీడియాలో వైరల్‌గా మారింది. రెబల్ స్టార్ అభిమానులు ఈ పోస్టర్ చూసి సూపర్ అంటూ కామెంట్స్ చేస్తున్నారు. యువీ క్రియేషన్స్ బ్యానర్‌పై కృష్ణంరాజు సమర్పణలో ప్యాన్ ఇండియా మూవీగా భారీ ఎత్తున విడుదలైంది.

ఇప్పటికే విడుదలైన ప్రభాస్ లుక్స్, పాటలు సినిమాపై హైప్ పెంచాయి. ఈ చిత్రంలో ప్రభాస్ సరసన యంగ్ హీరోయిన్ పూజా హెగ్డే నటిస్తోంది. వంశీ, ప్రమోద్, ప్రసిద నిర్మిస్తున్న ఈ చిత్రం సంక్రాంతి కానుకగా జనవరి 14న విడుదల కానుంది. కృష్ణంరాజు గతంలో ప్రభాస్‌తో ‘బిల్లా’, ‘రెబల్‌’ చిత్రాల్లో నటించారు. గణపతిగా అతడు చివరిసారిగా 2015లో వచ్చిన ‘రుద్రమదేవి’ సినిమాలో కనిపించాడు. రెండేళ్ల విరామం తర్వాత మళ్లీ వెండితెరపై కనిపించనుండడంతో అభిమానుల్లో అంచనాలు తారాస్థాయికి చేరాయి.