RRR Movie: ఎస్ ఎస్ రాజమౌళి దర్శకత్వంలో ఎంతో ప్రతిష్టాత్మకంగా ప్రేక్షకుల ముందుకు వచ్చిన చిత్రం RRR.ఈ సినిమా గత ఏడాది విడుదలై పాన్ ఇండియా స్థాయిలో కాకుండా అంతర్జాతీయ స్థాయిలో ఎంతో మంచి ఆదరణ సంపాదించుకుంది. ఇక ఈ సినిమాకు గాను ఎన్నో పురస్కారాలు అవార్డులు కూడా వచ్చాయి.

ఇక తాజాగా గోల్డెన్ గ్లోబ్ అవార్డ్స్ కార్యక్రమంలో భాగంగా నాటు నాటు పాటకు గాను గోల్డెన్ గ్లోబ్ అవార్డు రావడం అందరినీ ఎంత సంతోషానికి గురి చేసింది. ఈ క్రమంలోనే ఎంతోమంది సినీ రాజకీయ సెలబ్రిటీలు ఈ సినిమా అందుకున్న ఈ గొప్ప అవార్డు గురించి ప్రశంసలు కురిపించారు. అయితే కొందరు మాత్రం తీవ్రస్థాయిలో విమర్శలు చేశారు.

ఈ సినిమాలోని నాటు నాటు పాట చాలా బోర్ కొడుతుందని సినిమా కూడా పెద్దగా ఏమీ లేదని చాలామంది ఈ సినిమాపై విమర్శలు చేశారు.ఇలా కొందరు ఉద్దేశపూర్వకంగానే ఈ సినిమాపై విమర్శలు చేస్తున్న నేపథ్యంలో పలువురు సెలబ్రిటీలు స్పందిస్తూ విమర్శకులకు తమదైన శైలిలో సమాధానం చెబుతున్నారు.

RRR Movie: పక్క వారి సంతోషాన్ని ఓర్చుకోలేరా…

ఇప్పటికే RRR సినిమా గురించి వస్తున్న విమర్శలపై స్పందించిన అనిరుధ్ గుహ స్పందిస్తూ మీరు చిన్నప్పటినుంచి అంత బాధలో ఉన్నారా పక్కవారి సంతోషాన్ని కూడా ఓర్చుకోలేరా అంటూ ట్విట్టర్ వేదికగా తన అభిప్రాయాన్ని తెలియజేశారు. తాజాగా పూజ భట్ కూడా ఈ సినిమా విమర్శకులపై స్పందిస్తూ…ఒకరి బాధను చూడగలరేమో కానీ పక్కవారి సంతోషాన్ని చూసి మాత్రం ఓర్చుకోలేరు కదా ఇది మానవ నైజం అంటూ ఈ సినిమా విమర్శకులపై మండిపడ్డారు. ప్రస్తుతం ఈమె చేసినటువంటి ఈ ట్వీట్ వైరల్ గా మారింది.