Samyuktha Menon: మలయాళ ఇండస్ట్రీకి హీరోయిన్ గా పరిచయమయి అనంతరం భీమ్లా నాయక్ సినిమా ద్వారా తెలుగు ప్రేక్షకులకు పరిచయమయ్యారు నటి సంయుక్త మీనన్. ఇలా మొదటి సినిమాతోనే ఎంతో మంచి సక్సెస్ అందుకున్నటువంటి ఈమె అనంతరం కళ్యాణ్ రామ్ బింబిసారా, ధనుష్ సార్ సినిమాల ద్వారా మరోసారి ప్రేక్షకుల ముందుకు వచ్చి బ్యాక్ టు బ్యాక్ హిట్ సినిమాలను అందుకున్నారు.

ఇలా వరుస సినిమాలతో ఎంతో మంచి సక్సెస్ సాధించిన ఈమె తాజాగా విరూపాక్ష సినిమా ద్వారా ప్రేక్షకుల ముందుకు వచ్చారు.ఈ సినిమా ఎంతో మంచి సక్సెస్ అందుకోవడంతో ఈమె ఇండస్ట్రీకి గోల్డెన్ లెగ్ అంటూ దర్శక నిర్మాతలు ఈమెతో సినిమాలు చేయడానికి పెద్ద ఎత్తున ఆసక్తి చూపుతున్నారు.ఇలా ఈ సినిమా మంచి సక్సెస్ కావడంతో ఒక ఇంటర్వ్యూలో పాల్గొన్న సంయుక్త పలు విషయాలు వెల్లడించారు.

ఈ సందర్భంగా ఈమె మాట్లాడుతూ తాను ఇండస్ట్రీలోకి రాకముందు తన ఏకైక లక్ష్యం మంచి ఉద్యోగంలో స్థిరపడటమే. తనకు సినిమా ఇండస్ట్రీపై ఏమాత్రం అవగాహన లేదని తెలిపారు. అయితే అనుకోకుండా మలయాళంలో పాప్ కార్న్ సినిమాలో నటించే అవకాశం వచ్చిందని తెలియజేశారు. అలా ఇండస్ట్రీలోకి వచ్చిన తనకు వరుస అవకాశాలు వస్తున్నాయని తెలిపారు. పాప్ కార్న్ సినిమా చేసే సమయంలో తనకు సినిమాపై ఎలాంటి అవగాహన లేదు.

Samyuktha Menon: స్క్రిప్ట్ పై అవగాహన ఉండేది కాదు…

ఈ క్రమంలోనే ఈ సినిమా చూసినటువంటి ఎంతోమంది ప్రేక్షకులు తనని భారీగా ట్రోల్ చేశారని తెలిపారు. అసలు ఈమెకు నటించడమే రాదు అంటూ కామెంట్లు కూడా చేశారని తెలియజేశారు.నిజానికి నాకు అప్పుడు నటన గురించి అవగాహన లేదు అయితే ప్రస్తుతం సినిమా స్క్రిప్ట్ విషయంలో చాలా మంచి అవగాహన వచ్చింది అలాగే ఇండస్ట్రీపై కూడా మంచి అవగాహన రావడంతో సినిమా స్క్రిప్ట్ విషయంలో ఎన్నో జాగ్రత్తలు తీసుకుంటున్నానని ఈ సందర్భంగా సంయుక్త మీనన్ చేసిన కామెంట్స్ వైరల్ అవుతున్నాయి.