Anudeep: తెలుగు సినిమా ఇండస్ట్రీలో దర్శకుడుగా ఎంతో పేరు ప్రఖ్యాతలు సంపాదించుకున్న డైరెక్టర్ అనుదీప్ గురించి అందరికీ సుపరిచితమే జాతి రత్నాలు వంటి అద్భుతమైన కామెడీ సినిమా ద్వారా ప్రేక్షకులను సందడి చేసిన ఈయన తాజాగా శివ కార్తికేయన్ హీరోగా ప్రిన్స్ సినిమా ద్వారా ప్రేక్షకుల ముందుకు వచ్చారు. ఇక ఈ సినిమా కూడా మంచి పాజిటివ్ టాక్ సొంతం చేసుకుంది.

ఇకపోతే ఈ సినిమా ప్రమోషన్ కార్యక్రమాలలో భాగంగా ఓ ఇంటర్వ్యూలో పాల్గొన్నటువంటి అనుదీప్ తన గురించి ఎన్నో ఆసక్తికరమైన విషయాలను వెల్లడించారు. ఈ క్రమంలోనే ఈయన ఈ ఇంటర్వ్యూ సందర్భంగా గాడ్ ఫాదర్ సినిమా గురించి చేసినటువంటి కామెంట్స్ ప్రస్తుతం సంచలనంగా మారాయి.

గాడ్ ఫాదర్ సినిమా చూశారా అంటూ ఈయనకు ప్రశ్న ఎదురయింది.చాలామంది నన్ను గాడ్ ఫాదర్ చూశారా చూశారా అంటూ ప్రశ్నిస్తున్నారని ఇలా అందరూ అడగడంతోనే తాను ఈ సినిమా చూశాను అంటూ ఈయన తెలిపారు.అయితే నాకు సినిమా ఏ మాత్రం నచ్చలేదని చాలా బోరింగ్ అనిపించింది అంటూ అనుదీప్ గాడ్ ఫాదర్ సినిమా గురించి షాకింగ్ కామెంట్స్ చేశారు.

Anudeep: ధైర్యంగా చెబుతున్నా గాడ్ ఫాదర్ నచ్చలేదు..

ఇకపోతే ఈ సినిమా గురించి ఈయన చేసినటువంటి కామెంట్స్ విన్న యాంకర్ ఒక్కసారిగా షాక్ అవ్వడమే కాకుండా మీరు ఏ గాడ్ ఫాదర్ గురించి మాట్లాడుతున్నారు అంటూ తిరిగి ప్రశ్నించారు.నేను మాట్లాడుతుంది హిందీ గాడ్ ఫాదర్ సినిమా గురించి ఆ సినిమా నాకు నచ్చలేదు ఈ విషయాన్ని నేను ధైర్యంగా ఎక్కడైనా చెబుతా అంటూ ఈయన చివరిలో ట్విస్ట్ ఇచ్చారు.ఈ క్రమంలోనే ఈ విషయం సోషల్ మీడియాలో వైరల్ కావడంతో కొందరు నెటిజన్లు చిరంజీవి గాడ్ ఫాదర్ సినిమా గురించే అనుదీప్ మాట్లాడి ఉంటారని, చివరిలో ఇలా మాట మార్చారంటూ కామెంట్లు చేస్తున్నారు.