Actress Sneha:టాలీవుడ్ ఇండస్ట్రీకి తరుణ్ హీరోగా నటించిన ప్రియమైన నీకు సినిమా ద్వారా పరిచయమయ్యారు నటి స్నేహ. ఈమె ఎంతో సాంప్రదాయమైన దుస్తులను ధరించి ఎంతో అద్భుతమైన ప్రేమ కథలను, కుటుంబ కథ చిత్రాలను ఎంపిక చేసుకొని ఎంతోమంది ఫ్యామిలీ ఆడియన్స్ ను సంపాదించుకుంది.స్నేహ ఇండస్ట్రీలోకి వచ్చిన తర్వాత సౌందర్య లేని లోటును భర్తీ చేసిందని చెప్పాలి.

ఇకపోతే స్నేహ సౌందర్య అంత గుర్తింపు సంపాదించుకోకపోయినా తన కట్టుబొట్టుతో సౌందర్యను గుర్తు చేశారు. ఇండస్ట్రీలోకి వచ్చిన అతి తక్కువ సమయంలోనే స్నేహ ఫెడ్ అవుట్ అయ్యారు. ఇక స్నేహ ఇండస్ట్రీకి దూరమైనప్పటికీ తమిళ నటుడిని వివాహం చేసుకున్న తర్వాత పలు సినిమాలలో సపోర్టింగ్ క్యారెక్టర్స్ లో నటించడమే కాకుండా పలు బుల్లితెర యాడ్స్ ద్వారా కూడా ప్రేక్షకులను సందడి చేస్తున్నారు.

ఇలా పలు యాడ్స్ షాపింగ్ మాల్స్ ప్రారంభోత్సవంలో సందడి చేసిన స్నేహ ఓసారి షాపింగ్ మాల్ ప్రారంభోత్సవానికి వెళ్ళినప్పుడు చేదు అనుభవాన్ని ఎదుర్కొందని అప్పట్లో వార్తలు వచ్చాయి. షాపింగ్ మాల్ ప్రారంభోత్సవం అంటేనే అక్కడికి ఎంతో మంది అభిమానులు చేరుకుంటారు. అయితే ఆ క్షణంలో ఎంతోమంది హీరోయిన్స్ ను తాకరాని చోట తాకుతూ ఉంటారు అయితే కొందరు వాటిని మౌనంగా భరించగా మరికొందరు మాత్రం అలాంటి చేష్టలపై రియాక్ట్ అవుతుంటారు.

Actress Sneha: పోలీసులు అదుపులోకి రియల్ ఎస్టేట్ వ్యాపారి…

ఈ క్రమంలోనే నటి స్నేహ సైతం ఇలాంటి చేదు అనుభవాన్ని ఎదుర్కొన్నారట.ఓ షాపింగ్ మాల్ ప్రారంభోత్సవానికి వెళ్ళినప్పుడు పక్కనే ఉన్నటువంటి ఒక రియల్ ఎస్టేట్ వ్యాపారి స్నేహ నడుమును గిల్లడంతో ఒక్కసారిగా స్నేహ గట్టిగా అరిచారట. అయితే అక్కడ సిబ్బందికి స్నేహ అసలు విషయం చెప్పడంతో వెంటనే పోలీసులు తనని అదుపులోకి తీసుకున్నారని అయితే ఆయన ఒక రియల్ ఎస్టేట్ వ్యాపారి కావడంతో వెంటనే బెయిల్ పై బయటకు వచ్చారని తెలుస్తుంది అయితే ఈ వ్యవహారం అప్పట్లో పెద్ద ఎత్తున సంచలనంగా మారింది.