సినిమా గురించి ఎంతోకొంత నాలెడ్జ్ ఉన్న వాళ్లకు ప్రత్యేకంగా పరిచయం చేయాల్సిన అవసరం లేని పేరు ప్రియాంక చోప్రా. ఈమె ఇప్పుడు సినిమాలతో పాటు తన పెళ్లితో కూడా ఎప్పుడూ వార్తల్లోనే ఉంటుంది. తన కంటే 10 ఏళ్లు తక్కువ వయస్సు ఉన్న అమెరికా పాప్ సింగర్ నిక్ జోనస్ ను పెళ్లాడింది. అప్పట్లో ఈ పెళ్లి విషయమై ఆమెపై ఎక్కువగా విమర్షలు చేశారు. కానీ వాటికి ఆమె ధీటుగా సమాధానం చెబుతూ ముందుకు వెళ్లింది. ప్రస్తుతం ఆమె నిక్ జోనస్ తో కలిసి సంతోషంగా జీవితం గడుపుతోంది.

బాలివుడ్ లోనే కాదు హాలీవుడ్ లో కూడా ప్రియాంక సినిమాలు చేస్తోంది. ఇటీవల ప్రియంక బయోగ్రఫీ అన్ ఫినిష్డ్ అనే పేరుతో ఓ బుక్ ను కూడా రిలీజ్ చేసిన విషయం తెలిసిందే. ఈ బుక్ లో ఎవరికీ తెలియని కొన్ని కొత్త విషయాలను పొందుపరిచింది.

ఎన్నో సన్సెషనల్ సంఘనలు చోటుచేసుకున్నట్లు ఆమె అందులో పొందుపర్చింది. చిన్న తనం నుంచి ఆమె జీవితంలో జరిగిన ప్రతీ విషయాన్ని అందులో ప్రస్తావించారు. ఈ బుక్ చదివిన అభిమానులు తెలియని విషయాలను కూడా తెలుసుకొని రకరకాలుగా మాట్లాడుకున్నారు. దీనిలో తాను చిన్నతనంలో అంటే 10 వ తరగతిలో బాయ్ ఫ్రెండ్ తో రొమాన్స్ చేస్తూ దొరికిపోయినట్లు కూడా తెలిపింది.

ఒకసారి తన బాయ్ ఫ్రెండ్‌‌‌‌ను తన గదిలో దాచిపెట్టిందట. అయితే ఆ విషయాన్ని తన ఆంటీ కనిపెట్టి.. తన తల్లికి ఫిర్యాదు చేసిందిట. పదో తరగతిలో బాబ్ అనే కుర్రాడిని ప్రేమించానని.. అతడు చెప్పే మాటలు, జోక్స్ ఎంతో ఆహ్లాదాన్ని కలిగించేవని ఆమె అందులో రాసింది. అంతేకాకుండా అతడిని పెళ్లి కూడా చేసుకోవాలని నిర్ణయించుకుందట.