Hero Raj Tharun: ఎలాంటి సినీ నేపథ్యం లేకుండా ఇండస్ట్రీలో షార్ట్ ఫిలిమ్స్ చేస్తూ ఉయ్యాల జంపాల అనే చిత్రంలో హీరోగా నటించే అవకాశాన్ని అందుకొని ఉయ్యాల జంపాల చిత్రం ద్వారా ప్రేక్షకుల ముందుకు వచ్చిన నటుడు రాజ్ తరుణ్ గురించి అందరికీ సుపరిచితమే.మొదటి సినిమాతోనే ఎంతో అద్భుతమైన విజయాన్ని అందుకున్న హీరో రాజ్ తరుణ్ ఆతర్వాత సినిమా చూపిస్త మామ, కుమారి 21 F సినిమా ద్వారా వరుస విజయాలను అందుకున్నారు.

ఈ విధంగా వరుస విజయాలతో ఇండస్ట్రీలో మంచి గుర్తింపు సంపాదించుకున్న రాజ్ తరుణ్ పై అందరి దృష్టి పడింది. ఈ క్రమంలోనే ఈయన వద్దకు నిర్మాతలు క్యూ కట్టారు.ఈయన నటించిన సినిమాలు కూడా మంచి విజయాన్ని అందుకుని వరుస అవకాశాలు రావడంతో వారు పూర్తిగా తన రెమ్యూనరేషన్ పెంచేశారు.

ఇలా ఈయన వరుస అవకాశాలు అందుకుని వరుస చిత్రాలలో నటించిన ఏ సినిమా కూడా తనకు మంచి హిట్ ఇవ్వలేక పోయాయి. దీంతో వరుస ఫ్లాప్ లను చవిచూస్తున్న రాజ్ తరుణ్ స్పీడ్ కు కాస్త బ్రేక్ పడింది. ఇలా వరుసగా ఎనిమిది ఫ్లాప్ సినిమాలతో సతమతమవుతున్న రాజ్ తరుణ్ కు మరొక అవకాశం వచ్చింది.

వరుస ఫ్లాప్ లతో సతమతం…

ఇలా వరుస ప్లాప్ సినిమాలతో సతమతమౌతున్న రాజ్ తరుణ్ స్టాండప్ రాహుల్ అనే చిత్రంలో నటించే అవకాశాన్ని దక్కించుకున్నారు. ఈ చిత్రం ద్వారా ఆయన బాక్సాఫీస్ వద్ద మంచి విజయాన్ని అందుకోవాలని ఎన్నో ప్రయత్నాలు చేశారు. ఇలా ఎన్నో అంచనాల నడుమ ఈ సినిమా ఈనెల 18వ తేదీన ప్రేక్షకుల ముందుకు వచ్చింది. అయితే ఈ సినిమా కూడా రాజ్ తరుణ్ కు పెద్దగా కలిసి రాలేదని చెప్పాలి. సినిమా విడుదలైన తర్వాత ఫిలిం క్రిటిక్స్ ఈ సినిమాపై నెగెటివ్ రివ్యూ ఇవ్వడంతో పూర్తిగా కలెక్షన్లు పడిపోయాయి.ఈ క్రమంలోనే ఈ సినిమా కూడా ఫ్లాప్ టాక్ ను సంపాదించుకొని తొమ్మిదవ ఫ్లాప్ సినిమాగా నిలబడింది. ఇలా రాజ్ తరుణ్ వరుస ఫ్లాప్స్ సినిమాలను చూడటంతో ఆయన అభిమానులు ఆందోళన చెందుతూ అతనికి సలహాలు, సూచనలు ఇస్తున్నారు.ఇకపై కథలను ఎంపిక చేసుకునే సమయంలో ఆచితూచి జాగ్రత్తలు తీసుకోవాలని సూచిస్తున్నారు.