Sunny Deol: బాలీవుడ్ సీనియర్ హీరో సన్నీ డియోల్ గురించి మనందరికీ తెలిసిందే. మొదటి వరకు వరుసగా సినిమాల్లో నటిస్తూ మంచి గుర్తింపు తెచ్చుకున్న సన్నీ డియోల్ ఆ తర్వాత అవకాశాలు లేకపోవడంతో సినిమాలకు కాస్త గ్యాప్ తీసుకున్నారు.. ఇప్పుడు మళ్లీ ట్రాక్ లోకి వచ్చారు. గత ఏడాది విడుదల అయిన గదర్ 2 సినిమాతో బ్లాక్ బస్టర్ హిట్ అందుకున్నాడు. ఈ మూవీ బాక్సాఫీస్ వద్ద 500 కోట్ల రూపాయలకు పైగా వసూలు చేసింది. ఆ తర్వాత సన్నీ డియోల్ డిమాండ్ మరింత పెరిగింది. దీంతో ఇప్పుడు సన్నీ డియోల్ కీ వరుసగా అవకాశాలు క్యూ కడుతున్నాయి. నితీష్ తివారీ దర్శకత్వం వహించనున్న రామాయణం సినిమాలో సన్నీడియోల్ కు మరో క్రేజీ ఆఫర్ వచ్చినట్లు తెలుస్తోంది.

ఈ సినిమాలో హనుమంతుడి పాత్రలో నటించేందుకు సన్నీ డియోల్ అంగీకరించినట్లు పింక్‌విల్లా నివేదించింది. అయితే ఇందుకు సంబంధించి అధికారిక ప్రకటన రావాల్సి ఉంది. ఈ సినిమాపై ఇప్పటికే ప్రేక్షకులలో మాత్రం భారీ హైప్ నెలకొంది. మరోవైపు ఆర్టిఫిషియల్ టెక్నాలజీ ఉపయోగించి రాముడిగా రణబీర్, సీతగా సాయి పల్లవి ఎలా ఉంటారు ? అంటూ ఫోటోస్ షేర్ చేస్తున్నారు నెటిజన్స్. ఇక ఈ సినిమాకు సంబంధించి ఎప్పటికప్పుడు కొత్త విషయాలు నెట్టింట చక్కర్లు కొడుతూనే ఉన్నాయి. అందులో భాగంగానె ఈ న్యూస్ ఇప్పుడు ఫిల్మ్ వర్గాల్లో వినిపిస్తుంది. అయితే ఈ రామాయణ సినిమా చాలా భాగాలుగా రూపొందించనున్నారట. ఈ మూవీలో రాముడిగా రణబీర్ కపూర్, సీతగా సాయి పల్లవి, రావణుడిగా యష్ నటించనున్నారని టాక్ నడుస్తుంది.

హనుమంతుడిగా సన్నీ డియోల్..

అలాగే ఇప్పుడు హనుమంతుడిగా సన్నీ డియోల్ కనిపించనున్నారని తెలుస్తోంది. ఈ సినిమాలో ఆంజనేయుడి పాత్ర చాలా ముఖ్యమైనది. ఆ పాత్రకు నటీనటులు ఎంపిక విషయంలో చిత్రయూనిట్ మరిన్ని జాగ్రత్తలు తీసుకున్నట్లు తెలుస్తోంది. అలాగే విభీషణుడి పాత్ర కోసం విజయ్ సేతుపతిని ఎంపిక చేసినట్లు తెలుస్తోంది. భారీ బడ్జెట్ తో పాన్ ఇండియా లెవెల్లో ఈ సినిమా నిర్మించబోతున్నట్లు తెలుస్తోంది. మరి ఈ విషయాలపై పూర్తి క్లారిటీ ఇంకా రావాల్సి ఉంది.