Siva jyothi: ఏదైనా పండుగలు ప్రత్యేకమైన రోజులు వస్తే పెద్ద ఎత్తున ఆ పండుగ రోజున సెలబ్రేట్ చేయడంలో మల్లెమాలవారు ముందు వరుసలో ఉంటారు.ఇలా ఇప్పటికే ఎన్నో ప్రత్యేకమైన ఈవెంట్లతో ప్రేక్షకులను సందడి చేస్తున్న మల్లెమాలవారు మరోసారి బుల్లితెర ప్రేక్షకులను నవరాత్రి ధమాకా పేరుతో సందడి చేయడానికి సిద్ధమయ్యారు. త్వరలోనే నవరాత్రులు ప్రారంభమవుతున్న నేపథ్యంలో ఈ కార్యక్రమాన్ని ఎంతో ఘనంగా నిర్వహిస్తున్నట్టు తెలుస్తుంది.

ఈ కార్యక్రమంలో భాగంగా బుల్లితెర నటీనటులు జబర్దస్త్ కంటెస్టెంట్లు హీరోయిన్స్ సంఘవి ప్రేమ వంటి తదితరులు హాజరయ్యి ఎంతో సందడి చేశారు.ఇకపోతే ఈ కార్యక్రమానికి యాంకర్ రవి వ్యాఖ్యతగా వ్యవహరించగా ఈ వేదికపై ఈయన గుమ్మడి గుమ్మాడి అనే పాటను పాడుతూ అందరిని ఎమోషనల్ గా టచ్ చేసారు.

ఇలా వేదికపై రవి పాట పాడటంతో అక్కడే ఉన్నటువంటి శివ జ్యోతి కంటతడి పెట్టుకొని ఎమోషనల్ అయ్యారు.అనంతరం ఈమె వేదిక పైకి వెళ్తూ తన నాన్నని గుర్తు చేసుకొని కన్నీళ్లు పెట్టుకున్నారు. ఇప్పటికీ
ఊరికెళ్లితే.. మా నాగంపేట్ మొత్తం డాక్టర్ మల్లేష్ బిడ్డా అంటారు అంటూ కంటతడి పెట్టుకున్నారు. ప్రస్తుతం ఈ కార్యక్రమానికి సంబంధించిన ప్రోమో సోషల్ మీడియాలో వైరల్ అవుతుంది.

 

Siva jyothi: ఎమోషనల్ గా సాగిన ప్రోమో..

ఇక ఈ వేదికపై పెద్ద ఎత్తున కంటెస్టెంట్లు తమ అద్భుతమైన డాన్స్ పెర్ఫార్మెన్స్ లతో ప్రేక్షకులను సందడి చేయబోతున్నట్లు తెలుస్తోంది. ఇక ఈ కార్యక్రమానికి సంబంధించిన పూర్తి ఎపిసోడ్ నవరాత్రుల సందర్భంగా ప్రసారం చేయనున్నారు. ఇక హైపర్ ఆది యధావిధిగా కంటెస్టెంట్లపై తనదైన శైలిలో పంచ్ లు వేస్తూ అందరిని సందడి చేశారు.