ఆర్ఎక్స్ 100 సినిమాలో ఎతో పాపులారిటీ తెచ్చుకున్న హీరో కార్తికేయ గురించి ప్రతీ ఒక్కరికీ తెలిసిందే. ఆ సినిమాతో తనకంటూ ఓ ప్రత్యేక గుర్తిపును తెచ్చుకున్నారు. మొదటి సినిమాతోనే అద్బుతమైన విజయాన్ని అందుకున్నారు కార్తికేయ. ఈ సినిమాలో బోల్డ్ బ్యూటీ పాయల్ రాజ్ పుత్ తో కలిసి రొమాన్స్ చేసిన ఈ హీరో ఘనమైన విజయం అందుకున్నారు.
తర్వాత కార్తికేయకు సినిమా ఇండస్ట్రీలో పలు అవకాశాలు వచ్చినప్పటికీ ఈ సినిమా తర్వాత నటించిన కార్తికేయ సినిమాలు ప్రేక్షకులను అంతగా ఆకట్టుకోలేకపోయాయి. రీసెంట్ గా వచ్చిన చావు కబురు చల్లగా కూడా పెద్దగా ప్రేక్షకులను మెప్పించలేకపోయింది. అతడు సినిమాలో ఇలా బిజీ ఉండగా.. అతడు వ్యక్తి గత విషయంలో తర్వలోనే అతడు ఓ ఇంటివాడు కోబోతున్నట్లు తెలుస్తోంది.
గుట్టుచప్పుడు కాకుండా కుటుంబసభ్యుల సమక్షంలో నిశ్చితార్థం కూడా జరుపుకున్నట్లు సమాచారం. పెద్దలు కుదిర్చిన వివాహమే కార్తికేయ చేసుకోనున్నారు. అయితే ఈ హీరో పెళ్లిచేసుకోబోయే అమ్మాయి… ఎవరు.. ఎక్కడ ఉంటుందనే విషయాలు మాత్రం తెలియరాలేదు. నిన్ననే నిశ్చితార్థం చేసుకున్న కార్తికేయ.. తన పెళ్లి, అమ్మాయి గురించి అధికారికంగా త్వరలోనే వెల్లడించనున్నట్లు తెలుస్తోంది.
కార్తికేయ ప్రస్తుతం రాజా విక్రమార్క సినిమా షూటింగ్ లో బిజీ ఉన్నారు. ఈ సినిమా షూటింగ్ శరవేగంగా జరుపుకుంటోంది. త్వరలోనే ప్రేక్షకుల ముందుకు రానుంది. అంతేకాకుండా యూవీ క్రియేషన్స్ తో కలిసి ఆసక్తికరమైన ప్రాజెక్టులో కూడా కార్తికేయ నటించబోతున్నట్లు ఫిలిం నగర్ వర్గాల్లో టాక్ వినిపిస్తోంది. ఈ హీరో పెళ్లి విషయం గురించి మరిన్ని విషయాలు తెలియాలంటే హీరో అధికారికంగా ప్రకటించే వరకు వేచి ఉండాల్సిందే.