Junior NTR: ఇండియా మొత్తం చాలా ఇంట్రెస్ట్ గా చూస్తున్న సినిమా ట్రిపుల్ ఆర్. అయితే జనవరి 7న ప్రపంచ వ్యాప్తంగా విడుదల చేద్దాం అనుకన్నప్పటికీ.. కరోనా కారణంగా మరోసారి వాయిదా పడింది. ఇదిలా ఉంటే సినిమా ప్రమోషన్లను మాత్రం భారీ ఎత్తున చేశారు. టాలీవుడ్, కోలీవుడ్ లతో పాటు బాలీవుడ్ లోనూ ట్రిపుల్ ఆర్ ప్రమోషన్లను పెద్ద ఎత్తున చేసింది.

పిరియాడిక్ డ్రామాగా వస్తున్న ఈసినిమాకు రాజమౌళి దర్శకత్వం వహించగా…రామ్ చరణ్ అల్లూరి సీతారామరాజుగా, ఎన్టీఆర్ కొమురంభీంగా నటిస్తున్నారు. ఆలియాభట్‌, ఒలివియా మోరిస్‌ కథానాయికలు. శ్రియ, అజయ్‌ దేవ్‌గణ్‌, సముద్రఖని తదితరులు కీలక పాత్రలు పోషించారు. డీవీవీ దానయ్య నిర్మించిన ఈ సినిమాకు కీరవాణి సంగీతం అందించారు.

ఇదిలా ఉంటే తాజాగా జూనియర్ ఎన్టీఆర్ ను బాలీవుడ్ నటి సాహెబా బాలీ ఇంటర్వ్యూ చేశారు. దీనికోసం హైదరాబాద్ వచ్చిన నటి సాహెబా బాలీకి హైదరాబాద్ బిర్యానీతో పాటు తెలంగాణ చేపల పులుసు, గుంటూరు చికెన్‌ను వడ్డించారు. వాటి ప్రాముఖ్యతను తెలియజేశారు. మీరు నిజమైనా పులితో ఫైట్ చేశారా..అని సాహెబా ప్రశ్నించగా..‘ఏమో.. అయిండొచ్చు, కాకపోవచ్చు’ అంటూ తారక్‌ సమాధానం ఇచ్చారు. మీకు ఎన్ని భాషలు వచ్చు అని అడగ్గా.. ఎన్టీఆర్ తెలుగు, తమిళం, కన్నడ, హిందీ, ఇంగ్లీష్ భాషలు వచ్చు అని సమాధానం ఇచ్చాడు. 

రాజమౌళిని బిర్యానీతో పోల్చారు..

అయితే ఈ ఇంటర్వ్యూలో తారక్ ట్రిపుల్ ఆర్ టీంకు పలు రకాల వంటలని సెలెక్ట్ చేశారు. రాజమౌళిని బిర్యానీతో పోల్చారు. బిర్యానీ చూడటాని సింపుల్ గా ఉంటుంది కానీ దీన్ని తయారు చేయాలంటే కష్టపడాలని అన్నారు. రాజమౌళి కూడా అంతే.. చూడటానికి సింపుల్ గా ఉంటాడు కానీ.. పని విషయంలో ఫర్ఫక్ట్ గా ఉంటాడని చెప్పాడు. పానిపూరీ నోట్లో వేసుకోగానే.. దాని ఫ్లేవర్లు బయటపడుతాయని.. చరణ్ కూడా ఇంతే అని.. తనతో మాటలు కలిపితే అన్ని విషయాలు పంచుకుంటాడని చెప్పాడు. అలియా భట్ ఇరానీ బన్ మస్కా వంటిదని ఎంతో ఆరోగ్యవంతమైనదని.. అలియా కూడా చాలా ప్రత్యేకమైనదని అన్నాడు. అజయ్ దేవ్ గన్ కు వడాపావ్ సెలెక్ట్ చేశాడు. ముంబై లోెకల్ ఫుడ్. అక్కడి వారికి ఇది ఖచ్చితంగా కావాల్సిందే అని.. అలాగే అజయ్ దేవ్ గన్ అందరికి కావాల్సిన వాడే అని అన్నారు.