Anchor Suma Son: బుల్లితెర యాంకర్ గా ఎంతో గొప్ప పేరు ప్రఖ్యాతులు సంపాదించుకున్న యాంకర్ సుమ తన సొంత నిర్మాణంలో తన కొడుకును హీరోగా ఇండస్ట్రీకి పరిచయం చేయాలని ఎంతగానో తపిస్తున్నారు.ఈ క్రమంలోనే రోషన్ హీరోగా సినిమా రాబోతోందని పెద్ద ఎత్తున వార్తలు వచ్చాయి.ఇప్పటికే మొదటి సినిమాకు సంబంధించి పూజా కార్యక్రమాలు జరుపుకున్నప్పటికీ ఈ సినిమాకు సంబంధించి ఎలాంటి అప్డేట్స్ ఇవ్వలేదు.

ప్రస్తుతం రోషన్ ఉన్నత చదువుల కోసం అమెరికా వెళ్లి అమెరికా నుంచి ఇండియాకి వచ్చిన తర్వాత హీరోగా తనను తాను సిద్ధం చేసుకుంటున్నట్లు తెలుస్తోంది. ఇక తన కొడుకుని హీరోగా తెరపై చూడాలన్న ఆత్రుతతో కనకాల దంపతులు కూడా ఉన్నారు. ఈ క్రమంలోనే సుమ తన సొంత నిర్మాణ సంస్థలో విజయ అనే కొత్త దర్శకుడితో రోషన్ మొదటి సినిమా ప్రకటించారు.

ఈ సినిమా పరంగా పూజా కార్యక్రమాలను ప్రారంభించినప్పటికీ సినిమా షూటింగ్ మాత్రం మొదలు కాలేదు. ఇలా మొదటి సినిమా షూటింగ్ పూర్తి కాకుండా, విడుదల కాకుండానే రోషన్ మరొక సినిమాకి గ్రీన్ సిగ్నల్ ఇచ్చారని టాలీవుడ్ టాక్.

స్పీడ్ మీదున్న రోషన్…

రోషన్ హీరోగా తన రెండవ సినిమాకు టాలీవుడ్ యంగ్ డైరెక్టర్ విరించి వర్మ దర్శకత్వం వహిస్తున్నట్లు తెలుస్తోంది. ఇక వీరిద్దరి కాంబినేషన్లో తెరకెక్కబోతున్న ఈ సినిమాకి మరో టాలెంటెడ్ డైరెక్టర్ ప్రశాంత్ వర్మ కథను సిద్ధం చేశారని తెలుస్తోంది. అయితే ఇందులో ఎంతవరకు నిజం ఉంది తెలియాలంటే అధికారిక ప్రకటన వెలువడాల్సి ఉంది. ఏదిఏమైనా సుమ కొడుకు గురించి ఈ వార్తలు సోషల్ మీడియాలో చక్కెర్లు కొట్టడంతో రోషన్ ఫుల్ స్పీడ్ మీద ఉన్నారంటూ కామెంట్ చేస్తున్నారు.