KCR: తెలంగాణ మాజీ ముఖ్యమంత్రి కల్వకుంట్ల చంద్రశేఖర రావు గాయాలు పాలైనట్లు తెలుస్తోంది. కెసిఆర్ గత రాత్రి తన ఇంటిలో కాలు జారి పడటంతో తుంటి ఎముక విరిగిందని తెలుస్తుంది. ఈ క్రమంలోనే ఈయన జారి కింద పడటంతో వెంటనే కుటుంబ సభ్యులు తనని హైదరాబాద్లోని యశోద ఆసుపత్రికి తరలించారు. ప్రస్తుతం అక్కడ కెసిఆర్ చికిత్స తీసుకుంటున్నారు.

గత రాత్రి అర్ధరాత్రి సమయంలో ఈయన బాత్రూంలో కాలుజారి పడ్డారని తద్వారా ఆయన ఎముక విరిగినట్లు కుటుంబ సభ్యులు భావించి వెంటనే తనని మెరుగైన చికిత్స కోసం యశోద ఆసుపత్రికి తరలించారు. అర్ధరాత్రి రెండున్నర గంటల సమయంలో ఈ ఘటన చోటుచేసుకుందని తెలుస్తుంది. ప్రస్తుతం కేసీఆర్ యశోద హాస్పిటల్ లో చికిత్స పొందుతున్నారు.

కాలు జారిపడ్డారు..

ఈయన కింద పడటంతో ఎముక విరిగిందని వైద్యులు వెల్లడించారు. అయితే ఇంకా హాస్పిటల్ నుంచి కేసీఆర్ హెల్త్ బులిటెన్ విడుదల కావాల్సి ఉంది. అయితే కేసీఆర్ ఇలా ఆసుపత్రి పాలయ్యారు అనే విషయం తెలియడంతో అభిమానులు ఆందోళన వ్యక్తం చేస్తున్నారు. మరి ఈయన ఆరోగ్య పరిస్థితి ఇప్పుడు ఎలాగ ఉంది ఏంటి అనే విషయాలను వైద్యులు మరికొద్ది సేపటిలో హెల్త్ బులిటెన్ విడుదల చేయబోతున్నారు.