బాలీవుడ్ స్టార్ హీరోయిన్ గా కొనసాగుతున్న దీపికా పదుకొనే ప్రస్తుతం ఫుల్ స్పీడ్ లో ఉందని చెప్పవచ్చు. కేవలం బాలీవుడ్లో మాత్రమే కాకుండా తమిళ, తెలుగు సినిమా అవకాశాలు దక్కించుకొని ఎంతో బిజీగా గడుపుతున్నారు. ప్రస్తుతం ఈ భామ వరుస సినిమా అవకాశాలు దక్కించుకుని బిజీగా ఉన్నారు. ఈ క్రమంలోనే టాలీవుడ్ స్టార్ హీరో, పాన్ ఇండియా స్టార్ గా గుర్తింపు తెచ్చుకున్న ప్రభాస్, నాగ అశ్విన్ కాంబినేషన్ లో తెరకెక్కుతున్న పాన్ ఇండియా చిత్రంలో చేయడానికి గ్రీన్ సిగ్నల్ ఇచ్చారు.
అదేవిధంగా తమిళ్ తలైవా రజనీకాంత్ తో మరో సినిమా చేయనున్నట్లు వార్తలు వినిపించినప్పటికీ ఈ సినిమా గురించి ఎక్కడా అధికారిక ప్రకటన వెలువడలేదు. ఇక బాలీవుడ్ లో ప్రస్తుతం ఈ బ్యూటీ షారుక్ ఖాన్ సరసన “పఠాన్”అనే చిత్రంలో నటిస్తున్నారు. ప్రస్తుతం ఈ సినిమా షూటింగ్ పనులలో దీపికా ఎంతో బిజీగా ఉన్నారు.
దీపిక ఇది వరకు ఏ సినిమాలో లేని విధంగా ఈ సినిమాలో భారీ యాక్షన్ సన్నివేశాలలో నటించనున్నారు. ఈ సందర్భంగా ఆమె మాట్లాడుతూ.. నా జీవితంలో ఇలాంటి భారీ యాక్షన్ సన్నివేశాలలో నటించడం ఇదే మొదటి సారి. ఈ యాక్షన్ సన్నివేశాల కోసం తను ఎంతో కష్టపడుతున్నట్లు తెలిపారు. ఈ యాక్షన్ సన్నివేశాలలో నటించడం కోసం తనకొక ప్రత్యేక ట్రైనింగ్ అవసరం అయిందని, ప్రతిరోజు గంట పాటు ఈ ట్రైనింగ్ తీసుకుంటూ ప్రాక్టీస్ చేస్తున్నట్లు ఈ సందర్భంగా తెలిపారు.